QR Úkimet basshysy EAEO-nyń biryńǵaı tsıfrlyq keńistigi týraly aıtty
«Halyqaralyq sarapshylardyń baǵalaýyna qaraǵanda, ekonomıkany tsıfrlandyrý álemdik ekonomıkanyń kórinisin túbegeıli ózgertedi jáne 2025 jylǵa qaraı ІJÓ-niń úshten bir bóligin quraýy múmkin. Qazirgi kezde EAEO-nyń biryńǵaı tsıfrlyq keńistigi belsendi talqylaýdan ótip jatyr. Bul óz kezeginde taýarlar men qyzmetterdiń, adamdardyń, kapıtaldyń erkin qozǵalysyn qoldaıtyn eń negizgi elementterdiń biri bolýy tıis. EAEO-nyń tsıfrlyq kún tártibi bizdiń atqarǵan jetistikterimiz ben álemniń tyń tájirıbesine kiretin jıyntyq bazaǵa aınalýǵa negizdelgen», - dedi Saǵyntaev Astanadaǵy «Eýrazııalyq aptalyq» forýmynda.
Sonymen qatar Premer-Mınıstr QR Úkimeti «Tsıfrly Qazaqstan» memlekettik baǵdarlamasy aıasynda jumystar jasap jatqanyn eske saldy.
«Onyń maqsaty ekonomıkanyń bazalyq sektorlarynda áleýetti ártaraptandyrý men júzege asyrýǵa, kásipkerlik qyzmetti yntalandyrýǵa, jańa tehnologııalyq qurylys qurýǵa baǵyttalǵan.
Qazaqstanda tsıfrlandyrýdy damytý úshin keshendi qadamdar iske asyrylýda, bul óz kezeginde júıelik damýǵa, ekonomıkanyń salalarynda túrlenýge, elektrondyq memlekettik qyzmetterdiń sapasyn arttyrý ǵajáne kreatıvti qoǵamdy qurýǵa tyń serpin beredi», - dedi Saǵyntaev.
Budan buryn habarlanǵandaı, Astanada «Eýrazııalyq aptalyq» halyqaralyq forým jumysyn bastady. Forýmǵa qatysý úshinAstanaǵa álemniń 42 elinen memlekettik bılik organdarynyń, iskerliktoptar men bıznes qoǵamdastyqtyń ókilderi keldi .
