QR Úkimet basshysy birqatar mınıstrlikter basshylaryna Ulttyq bıotehnologııalar ortalyǵynyń ǵylymı jasalymdaryn engizýdi tapsyrdy
ASTANA. Sáýirdiń 22-si. QazAqparat /Qanat Qulshymanov/ - Beısenbi kúni, sáýirdiń 22-sinde QR Premer-Mınıstri Kárim Másimov Astanadaǵvy Ulttyq bıotehnologııalar ortalyǵynda boldy.
Úkimet basshysy bıotehnologııa jáne selektsııa, ımmýndyq hımııa jáne ımmýndik bıotehnologııa zerthanalarynyń, ulttyq ǵylymı ujymdyq paıdalaný bıotehnologııa zerthanasynyń jumystarymen tanysty jáne sondaı-aq mıkroorganızmderdiń respýblıkalyq kollektsııasyn kórdi.
Budan keıin K.Másimov jumys keńesin ótkizdi jáne aýyl sharýashylyǵy, densaýlyq saqtaý, bilim jáne ǵylym, qorshaǵan ortany qorǵaý, ındýstrııa jáne jańa tehnologııalar mınıstrlikteriniń basshylaryna saraptama jasap, usynylǵan ǵylymı jasalymdardy engizýge tapsyrma berdi.
Úkimet basshysynyń pikirinshe, eń aldymen, densaýlyq saqtaý salasyndaǵy otandyq ınnovatsııalar is júzinde qoldanylýy tıis. «Eger bizde vaktsnatsııanyń, skrınınginiń, pasporttaýdyń jańa ádistemeleri jáne erte dıagnostıka qoıý múmkindikteri bolsa, olardy densaýlyq saqtaý baǵdarlamasynda eskerý qajet», - dedi K.Másimov.
«Aýyl sharýashylyǵynda - eginshilikte de, mal sharýashylyǵynda da bul jasalymdar qalaı jumys jasaıtynyn baıqap kórý qajet», - dep sózin jalǵastyrdy Úkimet basshysy.
«Basty másele - nátıje. Nátıjelerdi túpki tutynýshynyń múddesimen baılastyryńyzdar. Munda bári de - ınnovatsııa da, jańa tehnologııalar da, qazaqstandyq taýarlar úlesi de, ǵylymnyń damýy da osy naqty ınstıtýtta toǵysqan. Bul jumysty ári qaraı jyljytý qajet», - dep atap kórsetti K.Másimov.
Ulttyq bıotehnologııalar ortalyǵynyń bas dırektory Erlan Ramanqulovtyń aıtýynsha, ortalyq 29 dıagnostıkalyq testi-júıeniń tehnologııasyn jasap, óndirisin uıymdastyrdy jáne maldar men qustardyń, kúıis qaıyratyn ýaq maldardyń qorasan, oba, aýsyl, qutyrý, brýtsellez jáne týberkýlez sııaqty aýrýlaryna qarsy veterınarııa úshin 26 vaktsına shyǵardy.
Sondaı-aq ǵylymı ujym N5N1 qus tumaýyna qarsy otandyq alǵashqy vaktsınanyń tehnologııasyn jasady jáne ony ónerkásiptik óndirýdi uıymdastyrdy. 2008-2010 jyldary 22,3 mln. doza vaktsına daıarlandy, bul QR-nyń osy preparatqa qajetin tolyq ótedi.
2009 jyly A/H5N1tumaýyna qarsy densaýlyq saqtaý maqsattary úshin «Kazfluvac» ınteraktıvtik vaktsınasynyń jáne A/H1N1 dońyz tumaýyna qarsy "Refluvac" ınteraktıvtik vaktsınasynyń tehnologııasyn jasady. Tumaý jáne toksıkologııa ǵylymı-zertteý ınstıtýtynyń (Sankt-Peterbor), sondaı-aq QR dárilik quraldardy saraptaý ulttyq ortalyǵynyń (Almaty) bazalarynda olardy klınıkaǵa deıingi synaqtan ótkizý júrgizildi. 2010 jyly atalǵan mekemelerde vaktsınalardy klınıkalaq synaý jumystary bastaldy.
Budan basqa «Ekobak» dep atalatyn munaımen lastanǵan topyraqty tazartatyn otandyq joǵary tıimdi preparat, bıdaıdyń joǵary ónim beretin bes suryby jáne kúrishtiń eki jańa suryby jasaldy.
