QR Úkimet basshysy Almatyda Azıada-2011 oıyndarynda paıdalanylatyn nysandardyń ázirligimen tanys bolady
ALMATY. 9 jeltoqsan. QazAqparat /Elena Ilınskaıa/ - Búgin Almatyda elimizdiń Premer-Mınıstri Kárim Másimov 2011 jyly ótetin VII Azıada oıyndarynda paıdalanylatyn nysandardyń ázirligimen tanysatyn bolady.
QR Úkimet basshysy jumys saparynyń baǵdarlamasy boıynsha «Medeý» muz aıdynyna, «Shymbulaq» taý shańǵy bazasy men «Tabaǵan» kýrortyna, jańa shańǵy-bıatlon stadıony men Remızov shatqalyndaǵy shańǵy tramplınder kesheninde, qaıta jańǵyrtylǵan Balýan Sholaq atyndaǵy Sport saraıyna barady. Sondaı-aq osy nysandarǵa qyzmet kórsetetin stansylar men nysandarǵa baratyn joldardy da tekseredi dep kútilýde.
Sapar qorytyndysy boıynsha qala ákimdiginde arnaıy keńes ótkizý josparlanǵan.
