QR UǴA tóralqasy 2015 jyly prezıdentik saılaý ótkizý bastamasyn qoldady
ALMATY. QazAqparat - QR Ulttyq Ǵylym akademııasynyń tóralqasy 2015 jyly kezekten tys prezıdenttik saılaý ótkizý jónindegi QHA bastamasyn qoldaǵan sheshim qabyldady. Bul týraly búgin Almatyda QR UǴA prezıdenti Murat Jurynov málim etti.
«Eldegi saıası jáne ekonomıkalyq jaǵdaıdy taldaý osy bastamany qoldaýǵa eki myqty dáıek bar ekenin kórsetedi. Birinshiden, máseleniń zańdyq jaǵy. Prezıdenttik jáne parlamenttik saılaýlardy bir jylda ótkizý eldiń Negizgi zańynyń normalaryna qaıshy keledi. Sondyqtan tańdaý jasaý qajet. Árıne, qoǵam úshin prezıdenttik saılaý mańyzdy. Ekinshi sebep - álemdegi kúrdeli ekonomıkalyq jaǵdaı. Qazaqstan Reseımen tyǵyz ekonomıkalyq baılanysta, qazir bul el Batys sanktsııalarynan qıyndyqtarǵa dýshar bolyp otyr. Bul sharalar Reseıdiń ekonomıkasyna ǵana emes, onyń jaqyn áriptesterine de áser etýde. Qazirgi kezde Qazaqstan - Ortalyq Azııadaǵy gúldengen elderdiń biri. Bizdiń eldiń ІJÓ Ózbekstannyń, Qyrǵyzstannyń Túrikmenstannyń jáne Tájikstannyń ІJÓ jıyntyǵynan asyp túsedi», - dedi M.Jurynov.
Ol osy jaǵdaıda Qazaqstan aldyn ala «Nurly jol» daǵdarysqa qarsy baǵdarlamasyn jasady, ony júzege asyrýǵa Ulttyq qordan qarajattar bólinip otyr, dep atap ótti. Ol iri ınfraqurylymdyq jobalardy qurýǵa, ShOB-ty damytýǵa, jumys oryndaryn saqtaýǵa jáne ashýǵa baǵyttalǵan.
M.Jurynovtyń aıtýynsha, bul strategııanyń mańyzdy sátteriniń biri Qazaqstannyń «qurǵaqtaǵy el mártebesinen sytylyp», Parsy shyǵanaǵyna temirjol tartýy, ol el úshin jyly teńiz jolyna esik ashady jáne muz qatpaıtyn teńizder arqyly jyl boıy óz taýarlaryn ilgeri jyljytýǵa múmkindik beredi.
«Sonymen birge Qazaqstan ÚIID MB ekinshi basjyldyǵyn oryndaýǵa kiristi. Búginde elimizde jańa óndiristermen qatar Óskemende, Jezqazǵanda, Balqashta, Pavlodarda, Qaraǵandyda ındýstrııanyń tý ustaýshylary jumys jasaıdy. Álemdegi kúrdeli halyqaralyq jaǵdaıǵa qaramastan, Qazaqstanda turaqtylyq, qoǵamdaǵy beıbitshilik pen kelisim saqtalýda», - dep málim etti QR UǴA basshysy.
