QR UǴA kezekten tys Prezıdent saılaýyn ótkizýdi qoldaıdy
ASTANA. QazAqparat - QR Ulttyq ǵylym akademııasy Qazaqstan halqy Assambleıasynyń kezekten tys Prezıdent saılaýyn ótkizý ıdeıasyn qoldaıdy. Bul týraly búgin elordada ótken «Qazaqstan-2050» demokratııalyq kúshterdiń jalpyulttyq koalıtsııasy otyrysynda atalǵan akademııanyń prezıdenti Murat Jurynov málim etti.
«Ulttyq ǵylym akademııasynyń músheleri Qazaqstan halqy Assambleıasynyń usynysyn taldap, qoldady. Qazir Qazaqstan órleý ústinde. Ekonomıkamyz da kóterilip kele jatyr. Eldiń ishindegi jaǵdaı, qarapaıym halyqtyń turmysy, barlyǵy órleýde. Biz nebári 20 jyldan astam ýaqyttyń ishinde aldyńǵy qatardaǵy qabiletti 50 eldiń ishine kirdik. Bul úlken jeńis. Al endi aldymyzǵa 30 eldiń ishine kirý úshin úlken maqsat qoıyp, osy jolda kele jatyrmyz», - dedi ol.
M.Jurynovtyń aıtýynsha, elimizde ındýstrııalyq-ınnovatsııalyq damý, «Nurly jol» baǵdarlamalary qabyldandy. Bul baǵdarlamalar elimizdiń ekonomıkasynyń órkendeýine óz septigin tıgizedi.
«Al endi halqymyzda «kún jyly, jer qarada», degen sóz bar. sondyqtan osyndaı jaǵdaıdy paıdalanyp, kelesi jyly bolar saılaýdy bıyl ótkizsek, ol quba-qup»,- dedi akademık.
