QR UǴA akademıkteri Serik Qırabaev pen Álııa Beısenovanyń mereıtoılyq keshteri ótedi
ALMATY. 4 sáýir. QazAqparat - Almatyda 5 sáýirinde QR Ulttyq ǵylym akademııasynyń akademıkteri Serik Qırabaev pen Álııa Beısenovanyń mereıtoılaryna arnalǵan saltanatty jıyn ótedi.
«Ǵylym ordasynda» ótetin bul sharany QR Bilim jáne ǵylym mınıstrligi, Ulttyq ǵylym akademııasy, M.Áýezov atyndaǵy Ádebıet jáne óner ınstıtýty, Abaı atyndaǵy Qazaq ulttyq pedagogıkalyq ýnıversıteti birlesip uıymdastyryp otyr. Oǵan elimizdiń jetekshi joǵary oqý oryndarynyń basshylary men tanymal ǵalymdar, belgili qoǵam jáne mádenıet qaıratkerleri qatysad.
Bıyl Qazaqstannyń eńbek sińirgen qaıratkeri, Memlekettik syılyqtyń ıegeri, fılologııa ǵylymdarynyń doktory, professor Serik Smaıyluly Qırabaev - 85, al geograf-ekolog, Qazaqstan joǵary mektebine eńbek sińirgen qyzmetker, Sh.Ýálıhanov atyndaǵy syılyqtyń ıegeri, geografııa ǵylymdarynyń doktory, professor Álııa Sársenqyzy Beısenova 80 jasqa tolmaq. Bir shańyraqta bas qosqan erli-zaıypty qos ǵalym ǵylymda ǵana emes, uzaq jyldar boıy bilim berý salasynda - Abaı atyndaǵy QazUPÝ-da ustazdyq qyzmet jasap, myńdaǵan shákirt daıyndady.
