QR UEM: 8,6 mln. adam jumyspen qamtyldy

ASTANA. QazAqparat - Respýblıka ekonomıkasynda 2016 jylǵy qazanda, baǵalaý boıynsha 8,6 mln. adam jumyspen qamtyldy. Jumyspen qamtylǵan halyq arasyndaǵy jaldamaly qyzmetkerler sany atalǵan kezeńde 6,4 mln. adamdy, ıaǵnı jumyspen qamtylǵandardyń jalpy sanynan 74,1 paıyzdy qurady, dep habarlaıdy QazAqparat.

«2016 jylǵy III toqsan derekteri boıynsha óz betinshe jumyspen qamtylǵandardyń jalpy sanynan jumyspen nátıjeli qamtylǵandar úlesi 83,8 paıyzdy, jumyspen nátıjesiz qamtylǵandar - 16,2 paıyzdy qurady»,-delingen QR Ulttyq ekonomıka mınıstrliginiń baspasóz qyzmetiniń málimetinde.

Atap aıtqanda, 2016 jylǵy qazanda jumyssyzdar sany baǵalaý boıynsha 444,8 myń adamdy, sondaı-aq jumyssyzdyq deńgeıi 4,9 paıyzdy qamtydy.

 «Jumyspen qamtý organdarynda 2016 jylǵy qazan aıynyń sońyna 74,5 myń adam resmı tirkelgen. Tirkelgen jumyssyzdar úlesi jumys kúshiniń sanynda 0,8 paıyzdy qurady»,-dep atap ótilgen habarlamada.