QR TJM: Jyl saıyn elimizde shamamen 4 myń tabıǵı órt bolady
NUR-SULTAN. QazAqparat - Jaýyn-shashynnyń normadan tómen bolýy órt qaýipiniń deńgeıin arttyrady. Bul týraly Ortalyq kommýnıkatsııalar qyzmetinde ótken brıfıngide QR Tótenshe jaǵdaılar mınıstrligi Órtke qarsy qyzmet komıtetiniń tóraǵasy Nurbolat Derbisov aıtty, dep habarlaıdy QazAqparat tilshisi.
«Jyl saıyn elimizde shamamen 4 myń tabıǵı órt bolady. Onyń ishinde orman órti – 500, dala órti – 3 500. Órttiń aýdany kóbine 180 myń gektardan asady, zalal 200 mıllıon teńgeni quraıdy», - deıdi Órtke qarsy qyzmet komıtetiniń tóraǵasy Nurbolat Derbisov.
Qazgıdromettiń boljamyna sáıkes, ekinshi toqsanda aýa-raıy +25ºS-qa, al ońtústik óńirlerde +30ºS-qa deıin ystyq bolady.
«El aýmaǵynyń basym bóliginde jaýyn-shashyn mólsheri normadan tómen bolady, bul órt qaýipiniń deńgeıin joǵarylatady. Zańnamaǵa sáıkes dala órtterin sóndirý ákimdikterdiń quzyretine kiredi, al orman órtterin joıý – jergilikti bıliktiń jáne Ekologııa mınıstrliginiń tabıǵatty qorǵaý mekemeleriniń ózara jaýapkershiligi aımaǵyna berilgen», - deıdi ol.
