QR TJM jumyspen qamtý ortalyqtary arqyly vedomstvolyq qutqarýshylardy tartýdy jalǵastyrady
ASTANA. 18 maýsym. QazAqparat - Qazaqstanda jumyspen qamtý ortalyqtary arqyly vedomstvolyq qutqarýshylardy tartý jumystary jalǵasady.
Bul týraly rrimeminister.kz saıtyna bergen suhbatynda Tótenshe jaǵdaılar mınıstrligi Tótenshe jaǵdaılardy joıý departamenti dırektorynyń orynbasary Alekseı Sovetov málim etti.
«Mınıstrlik jumyspen qamtý ortalyqtary arqyly respýblıka azamattaryn vedomstvolyq qutqarýshylar retinde tartý jumystaryn júrgizýde. Basqasha aıtqanda qutqarýshy jasaqshylar sýda qutqarý qyzmetterinde daıarlyqtan ótedi», - dedi A.Sovetov.
Sonymen qatar, ol qutqarýshylar sýda qutqarý daǵdylaryn úırengennen soń sý qoımalaryndaǵy jappaı demalý oryndarynda kezekshilikke turatynyn atap ótti.
Elimizdiń sý qoımalarynda azamattardyń ólim-jitimine jol bermeý úshin, ásirese 2013 jyldyń júzý maýsymynda, mınıstrlik 58 sýda qutqarý stansasynyń jeke quramyn, 22 qutqarý beketin, 7 ońtaıly-izdestirý tobyn jáne sýda qutqarý qyzmetteriniń 13 apattyq qutqarý jasaǵyn daıarlap qoıǵanyn aıta ketken jón.
Budan ózge, júzý maýsymynyń ashylýy qarsańynda júzýge jáne demalýǵa paıdalanylatyn 4 myńnan astam sý qoımasynyń túgendeýi jasaldy, qaýipti zattardyń bar-joqtyǵyn tekserý úshin sý qoımasynyń túbinde sý asty jumystary júrgizildi, júzýge jaramdy 535 demalys aımaǵy anyqtaldy.
