QR TJM Túrkistan oblysynyń qutqarýshylarynan mınıstrge aqsha jınaýǵa qatysty málimdeme jasady
QR Tótenshe jaǵdaılar mınıstrligi Zýıalhan Gasanovtyń Túrkistan oblysynyń qutqarýshylarynan Tótenshe jaǵdaılar mınıstrine aqsha jınaý týraly málimdemesine qatysty pikir bildirdi, dep habarlaıdy QazAqparat.
«Bul aqparat shyndyqqa janaspaıdy jáne buqaralyq aqparat quraldaryn paıdalaný arqyly kezekti arandatýyshylyqty iske asyrý bolyp tabylady. Buǵan deıin Gasanov Zýıalhan (2022 jyly) jala japqany úshin azamattyq-quqyqtyq jaýapkershilikke tartylǵan bolatyn.
Aıta ketý kerek, bul azamat qazirgi ýaqytta azamattyq qorǵaý organdarynyń qyzmetkeri emes, óıtkeni bıylǵy mamyrda teris sebeptermen jumystan shyǵaryldy.
Ol birneshe ret osyndaı máseleler boıynsha TJM-ge júgindi, biraq tekserý nátıjeleri boıynsha ol kórsetken dálelder rastalmady.
Osyǵan qaramastan, ótinishte aıtylǵan árbir faktige boıynsha sybaılas jemqorlyqqa qarsy is-qımyl agenttigimen birlesip qyzmettik tergeý júrgiziletin bolady.
Óz kezeginde TJM óz qatarynda sybaılas jemqorlyqty joıý boıynsha barlyq qajetti sharalardy júzege asyrady jáne anyqtalǵan árbir fakt boıynsha sharalar qabyldanýda»,-delingen habarlamada.
Sondaı-aq mınıstrlik ókilderi TJM-niń barlyq jeke quramyna, atap aıtqanda Túrkistan oblysynyń TJ departamentine habarlandyrý jasady. Onda mınıstrliktiń barlyq qyzmetkerleri úshin «WhatsApp» messendjerinde Tótenshe jaǵdaılar mınıstri Syrym Sháriphanovtyń tikeleı telefon nómiri + 7 747 651 75 88 jumys isteıdi, jedel jáne shuǵyl sheshimderdi qajet etetin problemalyq máselelermen júginýge bolatyny aıtylǵan. Ótinishtiń qupııalylyǵy saqtalady.
