QR TJM Órtke qarsy qyzmet komıteti tóraǵasynyń orynbasary taǵaıyndaldy
ASTANA. KAZINFORM - Qazaqstan Respýblıkasy Tótenshe jaǵdaılar mınıstriniń buıryǵymen QR TJM Órtke qarsy qyzmet komıteti tóraǵasynyń orynbasary azamattyq qorǵaý polkovnıgi Erlan Tóregeldıev taǵaıyndaldy.
Erlan Tóregeldıev 1980 jyly Semeı qalasynda dúnıege kelgen.
Shákárim atyndaǵy Semeı memlekettik ýnıversıtetin jáne QR TJM Kókshetaý tehnıkalyq ınstıtýtyn bitirgen.
Azamattyq qorǵaý organdarynda qyzmetin 2005 jyly Shyǵys Qazaqstan oblysy Tótenshe jaǵdaılar salasyndaǵy memlekettik baqylaý jáne qadaǵalaý basqarmasynyń Kýrchatov qalasy Tótenshe jaǵdaılar salasyndaǵy memlekettik baqylaý jáne qadaǵalaý bóliminiń ınjeneri laýazymynan bastady.
2020 jylǵa deıin Shyǵys Qazaqstan jáne Batys Qazaqstan oblystaryndaǵy TJM bólimshelerinde jumys istedi.
2020 jyldan bastap QR TJM Órtke qarsy qyzmet komıtetiniń Memlekettik órtti baqylaý jáne órtke qarsy normalaý basqarmasyn basqardy.
