QR TJM órt qaýipsizdigi erejelerin buzǵan 100-den astam túngi klýb pen meıramhananyń jumysyn toqtatýǵa sotqa talap aryz joldady
ASTANA. 28 jeltoqsan. QazAqparat - QR TJM órt qaýipsizdigi erejelerin buzyp jumys istep turǵan 100-den astam túngi klýb pen meıramhananyń jumysyn toqtatýǵa sotqa talap aryz joldady. Bul týraly búgin Astanada ótken baspasóz máslıhatynda QR TJM Órtke qarsy qyzmet komıtetiniń memlekettik órt qaýipsizdigin qadaǵalaý jáne anyqtaý basqarmasynyń bastyǵy Marat Hasenov málim etti.
Onyń atap ótýinshe, 22 jeltoqsandaǵy jaǵdaı boıynsha respýblıkadaǵy 705 túngi klýb, meıramhana tekserilip, alty myńnan astam zań buzýshylyq anyqtalsa, onyń 2000-nan astamy tekserý barysynda joıylǵan.
«Ereje buzǵany úshin ákimshilik jaýapkershilikke 520 laýazymdy tulǵa tartyldy. Sondaı-aq paıdalaný erejesin óreskel buzyp jumys istep turǵan nysandardyń áreketin toqtatý maqsatynda sotqa 93 talap aryz jiberilip, onyń 55-in sot tarapy qanaǵattandyrdy», - dedi ol.
Onyń atap ótýinshe, órt qaýipsizdigi erejesin buzǵan nysandardyń qyzmetin toqtatý nemese eskertý jasaý nátıjeli amaldardyń biri bolyp otyr. Máselen, sot aralasqan kezeńde 10 nysan zań buzýshylyqtardy tolyǵymen joıǵan. ıAǵnı, órt sóndirý qyzmetiniń talaptary tolyq kólemde oryndalǵan.
