QR TJM-niń barlyq bólimsheleri sý tasqyny qaýpine baılanysty kúsheıtilgen qyzmet rejimine kóshirildi
ASTANA. 30 naýryz. QazAqparat - QR Tótenshe jaǵdaılar mınıstrliginiń barlyq bólimsheleri sý tasqyny qaýpine baılanysty kúsheıtilgen qyzmet rejimine kóshirildi.
Bul týraly búgin atalǵan vedomstvo baspasóz qyzmetiniń bas mamany Eldor Raıymbekov málim etti.
Onyń atap ótýinshe, ortalyq basqarý jáne jergilikti atqarýshy organdar sý tasqyny kezeńine daıyndalý maqsatynda jyl saıyn «Kóktem» respýblıkalyq komandalyq-shtabtyq oqý-jattyǵý ótkizedi.
«Atalǵan oqý-jattyǵý aıasynda Azamattyq qorǵanys jáne tótenshe jaǵdaılardyń basqarma organdary men jeke quramynda 182 myń mamany, 32 myń avtomobıl jáne arnaıy tehnıkalary bar 13 myńnan astam apattyq qutqarý qyzmetteri ázirlik júrgizdi», - dedi ol.
Sonymen qatar Qazaqstan aýmaǵynyń 70 paıyzy kóktemgi sý tasqynyna ushyraǵysh ekendigin atap ótken ol: «Batys Qazaqstan oblysyndaǵy Jaıyq ózenindegi ahýal qaýip tóndirip otyr. Óıtkeni Shaǵan, Derkóz ózenderindegi sý deńgeıi óte joǵary. Al Úlken jáne Kishi ózendegi sý kólemi normadan 30-80 paıyzǵa artyq», - dedi E.Raıymbekov.
