QR TJM qataryndaǵy 10 qyzmetker atqaratyn laýazymyna sáıkes kelmeıdi
ASTANA. 22 tamyz. QazAqparat - QR Tótenshe jaǵdaılar mınıstrligi qataryndaǵy 10 qyzmetker atqaratyn laýazymyna sáıkes kelmeıdi. Bul týraly búgin Astanada ótken brıfıngte QR TJM baspasóz qyzmetiniń bas mamany Eldor Raıymbekov málim etti.
Onyń sózine qaraǵanda, Tótenshe jaǵdaılar mınıstrligi QR Prezıdenti Ákimshiliginiń basshysy bekitken quqyq qorǵaý organdary qyzmetkerlerin kezekten tys attestattaýdy ótkizý jónindegi is-sharalar josparyn oryndaý boıynsha jumys júrgizýde.
«2012 jylǵy 20 tamyzdaǵy jaǵdaı boıynsha Qazaqstan Respýblıkasy TJM Ortalyq attestattaý komıssııasynyń 7 keńesi boldy. Onyń sheńberinde mınıstrliktiń memlekettik órtke qarsy qyzmet organdarynyń 274 qyzmetkerlerimen áńgimelesý ótkizildi. Bul Ortalyq attestattaý komıssııasynda attestattaýǵa jatatyn jalpy 389 qyzmetkerler sanynyń 70,4%-yn quraıdy», - dedi baspasóz qyzmetiniń mamany.
Áńgimelesý qorytyndylary boıynsha mynadaı tujyrym jasaldy:
43 qyzmetker atqaratyn laýazymyna sáıkes keledi jáne kadr rezervine qabyldaýǵa nemese joǵary turǵan laýazymǵa jyljytýǵa usynylady;
176 qyzmetker atqaratyn laýazymyna sáıkes keledi;
16 qyzmetker atqaratyn laýazymyna sáıkes kelmeıdi jáne laýazymyn tómendetý usynylady;
15 qyzmetkerge qatysty atqaratyn laýazymyna sáıkes kelmeıdi jáne basqa qyzmetke (laýazymǵa) aýystyrý usynylady;
« Al 10 qyzmetker atqaratyn laýazymyna sáıkes kelmeıdi jáne quqyq qorǵaý organynan bosatý usynylady. Sondaı-aq 14 qyzmetker boıynsha Ortalyq attestattaý komıssııasynyń sheshimi qabyldanbady, bul qyzmetkerler boıynsha qarastyrý sharalary kelesi otyrysqa qaldyryldy. Qazaqstan Respýblıkasy TJM Ortalyq attestattaý komıssııasy óziniń jumysyn odan ári jalǵastyrýda», - dedi E. Raıymbekov.
