QR TJM-inde Jeńistiń 65 jyldyǵyna arnalǵan saltanatty shara ótti
Tótenshe jaǵdaılar vıtse-mınıstri Valerıı Petrovtyń basshylyǵymen ótken jıynǵa respýblıkanyń túpkir-túpkirinen kelgen tótenshe jaǵdaılar júıesinde jumys istegen soǵys jáne tyl ardagerleri qatysty.
Ardagerler aldynda quttyqtaý sózin sóılegen vıtse-mınıstr «soǵys ýaqytyndaǵy oqıǵalar jadymyzdan óshken joq, olar bizdiń ardagerlerimizdiń estelikterimen birge jańǵyra túsip, kitaptardyń, eskerkishterdiń betterinde jazylyp qaldy. Erlikke toly soǵys kúnderi urpaqtan urpaqqa estelik bolyp qalady», dedi.
Sonymen qatar saltanatty shara aıasynda tótenshe jaǵdaılar júıesinde jumys istegen Uly Otan soǵysynyń ardagerleri týraly kitaptyń tusaýkeseri ótti. Jeńistiń 65 jyldyq mereıtoıyna oraı jaryq kórip otyrǵan basylymnan qazaqstandyq ardagerlerdiń áskerı erligi jaıynda keńinen oqýǵa bolady.
Sondaı-aq Otan qorǵaýshy kúnine oraı mınıstrliktiń birqatar ofıtserleri TJ júıesindegi minsiz qyzmetteri úshin nagradalarmen jáne estelik medaldarmen marapattaldy.
Aıta keteıik, qazirgi ýaqytta TJM qatarynda 335 ardager bar, olardyń 131-i - UOS ardageri, 200-i - tyl eńbekkerleri, 2-ýi -Lenıngrad qursaýynda, al taǵy 2-ýi lagerlerde tutqynda bolǵan.
