QR TJM: El joldarynda qar qursaýynan 38 kólik pen 125 jolaýshy qutqaryldy
ASTANA. 21 jeltoqsan. QazAqparat - Keshe saǵat 20.03-te Almaty oblysy Eńbekshiqazaq aýdany, «Shelek-Qarajota» tas jolynda qar qursaýynan 12 jolaýshy mingen 6 jeńil kólik qutqarylyp, joldyń tazartylǵan ýchaskesine shyǵaryldy.
Sondaı-aq, 20 jeltoqsan saǵat 21.20-da Almaty oblysy Kerbulaq aýdany, Altyn Emel ótkeliniń «Saryózek-Jarkent» tas jolynda 63 jolaýshysy bar 20 jeńil kólik kúrtik qardan shyǵaryldy.
Osy kúni saǵat 22.00-de Jambyl oblysy Qordaı aýdany, Qordaı ótkeliniń «Almaty-Tashkent» tas jolynda qar qursaýynda qalǵan 12 tehnıka (10 jeńil kólik pen 2 júk kóligi) men 50 adamǵa kómek jetti. Olar jylyný úshin Alǵanyń orta mektebine jetkizildi.
QR TJM-nan naqtylaǵandaı, qaza bolǵandar men zardap shekkender joq.
