QR TJM aýmaqtyq bólimshelerine jańa arnaıy jáne apatty-qutqarý tehnıkasy tabys etildi
ASTANA. 17 qazan. QazAqparat - QR TJM qyzmetkerleriniń kásibı merekesi - Qutqarýshy kúni qarsańynda Astana qalasynyń ortalyq saıabaǵy alańynda QR TJM aýmaqtyq bólimsheleriniń basshylaryna ár túrli synyptaǵy jáne modeldik qatardaǵy arnaıy órt sóndirý jáne avarııalyq-qutqarý avtomobılderiniń, atap aıtqanda L-32 avtosatysy, ATs-8-40 avtotsısternasy, ámbebap, sańylaýsyz kúngeıi bar avtomobıl (kezekshilik), jyljymaly órt-tehnıkalyq zerthana (JÓTZ), avtobýs, ızotermııalyq fýrgon (jyljymaly dárihana), arnaıy avtomobıl, reanımobılder, jedel-qutqarý avtomobıli, súńgýir qyzmetine arnalǵan avtomobıl, radıatsııalyq, hımııalyq, bıologııalyq barlaý avtomobıli, Ssang Yong Kyron jáne Ssang Yong Actyon (pıkap) avtomobılderi, treılermen aspaly qaıyq motory bar qutqarý kateri, tirkemesi bar qarda júrgish mashına kiltterin tabys etý saltanatty rásimi ótti.
Bul týraly QR TJM baspasóz qyzmetinen habarlady.
QR TJ mınıstri V.K. Bojko saltanatty rásimdi asha otyryp, azamattar men ulttyq baılyqty tótenshe jaǵdaılardan qorǵaý qaýipsizdigin qamtamasyz etý Memleket basshysy qoıǵan negizgi mindetterdiń biri bolyp tabylatynyn atap ótti. Bul mindetterdi oryndaýdyń sapasy avarııalyq-qutqarý qyzmetteriniń tehnıkalyq jaraqtalýy deńgeıine tikeleı baılanysty. Qazaqstan Respýblıkasy Úkimetiniń qoldaý kórsetýi arqasynda QR TJM bólimsheleriniń materıaldyq-tehnıkalyq bazasyn nyǵaıtýǵa bólinetin qarjy qarajatynyń kólemi jyl saıyn ósýde, olardy kezeń-kezeńmen jańartý jáne zamanaýı tehnıkalyq resýrstarymen qaıta qarýlandyrý jumysy júrgizilýde.
Aǵymdaǵy jyly QR TJ mınıstrliginiń ıeligine 164 birlik arnaıy kólik quraly qoıylatyn bolady, onyń ishinde:
2013 jyly otandyq avtoóndirýshilerden 121 birlik tehnıka satyp alyndy: ATs-2,5, ATs-4, ATs-5 jáne ATs-8 avtotsısternalary, L-32 avtosatylary, ámbebap, sańylaýsyz qoraby bar avtomobılder (kezekshilik), 200-ÓSS órt-sorǵy stantsııasy, evakýatsııalaý lageri bar aýyr AQA, avtobýstar, ótimdiligi joǵary jeńil avtomobıl, kezekshi avtomobılder, medıtsınalyq-qutqarý reanımobılderi.
43 birlik tehnıka, olar Qazaqstan Respýblıkasynda shyǵarylmaıdy, biraq QR TJM aýmaqtyq bólimsheleriniń tolyqqandy qyzmet etýine qajetti, konkýrstyq negizde satyp alyndy (kópmaqsatty órt sóndirý avtomobıli, ATs-30-70 avtopoezdy, jyljymaly órt-tehnıkalyq zerthana, ekskavatorlar, terbelmeli aıdyn, ershi súıregish, qar jınaýshy mashına, júk kóterimdiligi 25 tonna avtokran, aýyr júk tasyǵysh jartylaı tirkeme, tsısterna tirkemesi, ATs-2,5 jáne ATs-4 avtotsısternalarynyń balqymaly shynjyr tabandy transporterleri, jedel-qutqarý avtomobıli, arnaıy avtomobılder, radıatsııalyq, hımııalyq, bıologııalyq barlaý avtomobıli, súńgýir qyzmetine arnalǵan avtomobıl, ızotermııalyq fýrgon (jyljymaly dárihana), qarda júrgish mashına).
QR TJM satyp alatyn barlyq arnaıy tehnıka zamanaýı talaptarǵa saı, TJM qutqarý bólimsheleriniń tótenshe jaǵdaılar sharttaryndaǵy is-áreketterge, apatty-qutqarý jáne basqa asa qıyn kezek kúttirmeıtin jumystarǵa ázirligin qamtamasyz etedi.
