QR TJM: Astanada avtobýs pen avtokrannyń soqtyǵysýy saldarynan 4 adam qaza taýyp, jeteýi aýrýhanaǵa jetkizildi
ASTANA. 6 tamyz. QazAqparat - Astanada avtobýs pen avtokrannyń soqtyǵysýy saldarynan 4 adam qaza taýyp, jeteýi aýrýhanaǵa jetkizildi, dep habarlaıdy QR TJM-niń baspasóz qyzmetinen.
Jeksenbi, 5 tamyz kúni saǵat 14:11-de Astanada Saryarqa dańǵyly men Kenesary kóshesiniń qıylysynda «QY25k5» avtokrany men № 36 baǵdardaǵy «Skania» jolaýshylar avtobýsy soqtyǵysyp qaldy.
Jol-kólik oqıǵasynyń saldarynan avtobýstyń jolaýshylary - 1952 jylǵy Qurmasheva, 1975 jylǵy Ysmaǵambetova, 1981 jylǵy Ádelshına jáne aty-jóni anyqtalmaǵan bir er adam oqıǵa ornynda mert boldy.
Budan basqa, aýrýhanaǵa avtobýstyń 7 jolaýshysy jetkizildi.
Tótenje jaǵdaı ornynda «Medıtsına apattarynyń ortalyǵy» MM-niń 3 adamy men 1 tehnıkasy, aeromobıldik jedel-qutqarý jasaǵynyń ortalyq aımaǵyndaǵy 5 adamy men 1 tehnıka birligi, QR TJM Astana qalalyq TJD jeke quramynyń 11 adamy men 2 tehnıkasy jáne jedel medıtsınalyq járdemniń 11 brıgadasy jumyldyryldy.
