QR TJM Almatynyń taý bókterinde bolǵan daýyldyń saldaryn joıýǵa 127 adam jumyldyrdy
ALMATY. 9 maýsym. QazAqparat /Erbol Azanbek/ - QR Tótenshe jaǵdaılar mınıstrligi 17 mamyrda Almatynyń taý jaq betinde bolǵan daýyldyń saldaryn joıýǵa Azamattyq qorǵanys polkiniń 127 sarbazyn attandyrdy,
dep habarlaıdy Almaty qalalyq TJ departamenti.
Sarbazdar Medeý, Shymbulaq jolynyń batys, shyǵys bóligindegi taý betkeıinde, Kimasar, Prosveşenets, Gorelnık, Tuıyqsý, Syrasaı, Kókjaılaý shatqaldaryn qulaǵan aǵashtardan bosatady. Buǵan deıin habarlanǵandaı, daýyl saldarynan búlingen alqap 480 gektardy quraıdy.
Bul úshin sarbazdardyń qural-saımany saqadaı-saı. Olardyń jumysy úshin shatyrly qalashyq tigilip, azyq-túlikpen tolyq qamtamasyz etilgen.
Esterińizge sala keteıik 17 mamyr kúni Almaty mańynda qatty daýyl bolyp 5 myńǵa jýyq aǵash qulaǵan edi. Qazirge deıin Almaty qalasyna qarasty aýmaq tolyq tazalanǵan. Al, Іle Alataýy memlekettik tabıǵı parkine qarasty aýmaqtaǵy qulaǵan aǵashtar áli kúnge deıin jatyr. Jaqynda qala ákimi Ahmetjan Esimov, QR TJ mınıstri Vladımır Bojko, QR Orman jáne ań sharýashylyǵy komıtetiniń ókilderi arnaıy keńes ótkizip, aǵashtardy tez arada tazartýdy qolǵa alý qajettigin aıtqan edi.
