QR TJM Almaty mańyndaǵy jer silkinisi týraly aqparatty qýattaǵan joq
ASTANA. 2 qarasha. QazAqparat - Qazirgi sátte QR TJM-ǵa Qazaqstan aýmaǵyndaǵy jer silkinisi týraly eshqandaı aqparat túsken joq, dep habarlady QazAqparat tilshisine Tótenshe jaǵdaılar mınıstrliginen.
"Búgingi kúni QR TJM daǵdarystyq ortalyǵyna QR aýmaǵyndaǵy jer silkinisi týraly eshqandaı aqparat túsken joq. Bul Almatydan 600 shaqyrym jerde bolǵan jer silkinisiniń oshaǵy óte alysta bolyp, bizde sezilmeýimen baılanysty shyǵar. QR bilim jáne ǵylym mınıstrliginiń seısmologııalyq tájirıbelik-ádistemelik ekspedıtsııasy jerasty dúmpýi bolǵan bolsa, bizdi eń aldymen habardar etedi. Alaıda osy sátke deıin Almaty mańynda jer silkinisi bolǵany týraly aqparat bizge túsken joq", - dedi vedomstvodaǵylar.
Eske sala keteıik, búgin birqatar elektrondy BAQ-ta Almatydan 606 shaqyrym jerde terbelisi 4,9 jerasty dúmpýleri bolǵany týraly aqparat jarııalady. Jer silkinisi Qytaı aýmaǵynda, ońtústik astanadan ońtústik-batysqa qaraı 606 shaqyrym jerde bolǵan. Jer silkinisiniń terbelisi 4,9 ball. Dúmpýler senbi kúni Astana ýaqytymen 10.59-da tirkelgen.
