QR Týrızm jáne sport mınıstrliginde úsh dúrkin álem chempıony A.Karelınmen kezdesý bolyp ótti
nbsp;ASTANA. Shildeniń 3-i. QazAqparat - Búgin QR bas sport vedomstvosynyń ǵımaratynda týrızm jáne sport mınıstri Temirhan Dosmuhanbetov Rf Memlekettik dýmasynyń depýtaty, grek-rım kúresi boıynsha Olımıpıada oıyndarynyń úsh dúrkin álem chempıony Aleksandr Karelınmen kezdesti, dep habarlaıdy TSM baspasóz qyzmeti.
Kezdesýge sonymen qatar Reseı sporttyq kúres federatsııasynyń prezıdenti, FILA bıýrosynyń múshesi, Olımpıada oıyndarynyń chempıony Mıhaıl Mamıashvılı, QR Kúres federatsııasynyń qurmetti prezıdenti, Olımpıada oıyndarynyń kúmis ıegeri Dáýlet Turlyhanov, QR Kúres federatsııasynyń prezıdenti Bekzat Sarmanov, sondaı-aq, 1980 jylǵy Máskeý jazǵy Olımpıadalyq oıyndarynyń olımpıadalyq chempıony, QR Týrızm jáne sport mınıstriniń keńesshisi Jaqsylyq Úshkempirov syndy sport tarlandary qatysty.
Reseı sport qoǵamynyń álemge tanymal ókilderi osy kúnderi Astana qalasynda ótkizilip jatqan «Grek-rım kúresinen QR Prezıdentiniń Kýbogy» 1-shi halyqaralyq týrnırdiń syıly qonaqtary bolyp otyr.
Resmı kezdesý barysynda mınıstr bizdiń elimizde osy sport túrin damytýǵa qosyp jatqan úlesteri úshin alǵys aıtty. Odan keıin T.Dosmuhanbetov qonaqtarǵa elordamyz Astana qalasynyń aıaǵyna qaz-qaz turý satylarymen, iri sporttyq jobalarmen, sonyń ishinde Astana men Almaty qalalarynda ótkiziletin 7-shi Qysqy Azııa oıyndary aıasynda qurylysy bastalǵan biregeı nysandarmen tanystyrdy.
