QR Týrızm jáne sport mınıstrligi Qazaqstan 2012 jyly London olımpıadasynda 28-shi orynǵa ıe boldy dep úmittenedi

Bul týraly Týrızm jáne sport mınıstrliginiń bıýdjettik ótinishin qaralǵan Respýblıkalyq bıýdjet komıssııasynyń 21 otyrysynda málim boldy. Bul týraly búgin QR qarjy vıtse-mınıstri Rýslan Dálenov óziniń Twitter-degi paraqshasyna jazǵan.

Onyń jazýy boıynsha, 2014 jyly Sochıde ótetin qysqy olımpıada oıyndarynda Qazaqstan 23-shi orynǵa shyǵýdy josparlaýda. Vıtse-mınıstr komıssııa ázirge qarjylandyrý máselesin sheshpegenin habarlady. «Áli naqty tsıfrlar atalǵan joq, protsess júrip jatyr», - dep habarlady vıtse-mınıstr.

Esterińizge sala keteıik, jazǵy olımpıada oıyndary 2012 jyldyń 27 shildesi men 12 tamyzy aralyǵynda Ulybrıtanııa astanasy - London qalasynda, al qysqy olımpıada 2014 jyldyń 7 aqpany men 23 aqpany aralyǵynda Reseıdiń Sochı kýrortynda ótedi.