QR Týrızm jáne sport mınıstri sport salasynda júrgen azamattar men qyzmetkerlerdi aldaǵy Sport kúnimen quttyqtady
ASTANA. Tamyzdyń 13-i. QazAqparat /Gúlmıra Álıakparova/ - QR Týrızm jáne sport mınıstri Temirhan Dosmuhambetov qazaqstandyq sportshylardy, jattyqtyrýshylardy,
dene shynyqtyrý salasynyń qyzmetkerleri men ardagerlerin, áýesqoılar men jankúıerlerdi aldaǵy jeksenbi, tamyzdyń 15-i kúni atap ótiletin Sport kúni merekesimenquttyqtady.
«Sport adamdy myqty, ádemi, batyl ári óz-ózine senimdi etedi. Sport degenimiz - densaýlyq, al deni saý ult - myqty memleket. Qazaqstan - sporttyq respýblıka. Bizdiń jerlesterimizdiń arasynda óz otanyn álemge tanytyp júrgen kóptegen kásipqoı sportshylar bar. Biz olımpıadalyq chempıondarymyzben maqtanamyz, olardyń birinshi bolýǵa umtylýy jas urpaqqa úlgi.
Elbasynyń qoldaýy arqasynda joǵary jetistikter sport pen dene shynyqtyrý qozǵalysy memlekettik saıasattyń mańyzdy basymdylyqtarynyń biri bolyp tabylady, al sporttyq stıl men salaýatty ómir saltyn ustanýshylar elimizde kóbeıip keledi. Sporttyq aktsııalarǵa jyl saıyn respýblıkanyń ondaǵan myń turǵyndary qatysady. Qazir Qazaqstanda dene shynyqtyrý men sportpen shuǵyldanýǵa múmkindikter keńeıtilip otyr. Qalalar men aýyldarda zamanaýı sport ǵımarattary, zaldar men basseınder turǵyzylýda», - delingen mınıstrdiń quttyqtaýynda.
Sondaı-aq ol sońǵy ýaqyttary Qazaqstanda chempıonattar men halyqaralyq deńgeıdegi iri jarystar jıi ótkizile bastaǵanyn tilge tıek etip, 2011 jyly Almaty men Astana qalalarynda ótetin 7-shi qysqy Azııa oıyndary sonyń bir dáleli ekendigin atap ótti.
«Osy kúni jattyqtyrýshylyq qyzmetti tańdap, sport kásibin meńgergen barlyq qazaqstandyqtarǵa salaýatty ómir saltyn nasıhattaýǵa qosqan úlesteri úshin erekshe alǵys aıtamyn. Kásibı merekelerińizde sizderge densaýlyq, joǵary synaqty medaldar men jańa jeńister tileımin!», - dedi vedomstvo basshysy.
