QR turǵyn úıdi jalǵa berý naryǵynda baǵa quldyraýda
ASTANA. QazAqparat - Turǵyn úıdi jalǵa berý naryǵynda baǵa quldyrady. Mundaı jaǵdaı buryn-sońdy bolmaǵan. Ásirese Almaty men Astana qalalarynda jalǵa berý quny aıtarlyqtaı tómendegen, dep habarlaıdy ranking.kz.
Bıylǵy jyly turǵyn úıdi jalǵa berý naryǵynda sońǵy bes jyldaǵy kórsetkish boıynsha eń tómengi quldyraý tirkeldi. Baǵa qazaqstandyqtardyń qarjylyq múmkindikteriniń qysqarýyna baılanysty tómendeýde. Bıylǵy jyldyń birinshi jartyjyldyǵynda kópqabatty turǵyn úılerdi jalǵa alý quny byltyrǵy jyldyń qańtar-maýsym aılarymen salystyrǵanda, 0,1%-ǵa tómendedi. Al kópqabatty emes úılerdi jalǵa alý jyl boıy nebári 0,1%-ǵa artty. Salystyrmaly túrde aıtsaq, byltyrǵy jyldyń osy kezeńinde kópqabatty turǵyn úılerdi jalǵa berý 2,7%-ǵa ósse, kópqabatty emes úılerdi jalǵa berý - 4,9% bolǵan.
Jalǵa berýshiler qazaqstandyqtardyń kirisiniń aıtarlyqtaı tómendeýine baılanysty baǵany tómendetip otyr. Bıylǵy jyldyń qańtar-mamyr aılarynda QR turǵyndarynyń qarjylyq kiristeri byltyrǵy jyldyń osy kezeńimen salystyrǵanda, 2,9%-ke tómendegen.
Sonymen birge, byltyrǵy jyly (qańtar-mamyr) respýblıka turǵyndarynyń satyp alý qabileti kúrt qunsyzdaný men onyń uzaqtyǵyna baılanysty 2,4%-ǵa tómendedi. Bıylǵy jyly respýblıkanyń 5 oblysynda kópqabatty úılerdi jalǵa berý quny tómendegendigi tirkelgen, 8 óńirde - ósý baıqalady, qalǵandarynda jyldyq qun kórsetkishi ózgermegen.
Baǵanyń quldyraýy Almaty qalasynda baıqaldy - munda kópqabatty úılerdi jalǵa berý quny byltyrǵy jylmen salystyrǵanda 9,7%-ǵa tómendedi. Ekinshi orynda - Astana. Elordada kópqabatty turǵyn úılerdi jalǵa alý 9,3%-ke tómen baǵalanady. Bul ekeýinen keıingi orynda Kókshetaý qalasy tur. Munda qańtar-mamyr aılaryndaǵy kórsetkish byltyrǵy jylmen salystyrǵanda jalǵa berý quny 4,7%-ke tómendedi. Kópqabatty emes úılerdiń jalǵa berý naryǵy dempıngke beıimdeý - baǵanyń quldyraýy barlyǵy úsh óńirde baıqalady.
9 oblysta baǵa ósti, 5 oblysta ózgeris joq. Kópqabatty emes úılerdiń jalǵa berý qunynyń eń tómengi kórsetkishi Astanada tirkelgen. Munda baǵa jyl boıyna birden 16,1%-ke tómendegen.
