QR Tuńǵysh Prezıdentiniń ókilettiligin uzartý boıynsha respýblıkalyq referendým ótkizý jónindegi bastamashyl top Astanada keńeıtilgen otyrys ótkizdi

Otyrys barysynda sóz sóılegen Astana qalasy máslıhatynyń hatshysy Vladımır Redkokshınniń atap kórsetkenindeı, búgingi tańda atalǵan bastamashyl toptyń quramyna elimizdiń barlyq aımaqtarynan 320 ókil kiredi. «Olardyń negizgi maqsaty - Elbasy Nursultan Nazarbaevtyń prezıdenttik ókilettiligin 2020 jylǵa deıin uzartý. Ol úshin búginde QR Ortalyq komıssııasynda jumys istep jatqan bastamashyl top ótinishterdi qabyldaýda. Odan keıin Ortalyq saılaý komıssııasy ruqsat bergennen soń halyq arasynda arnaıy saýalnama júrgiziletin bolady. «QR Referendým týraly» zańyna sáıkes Prezıdenttiń ókilettiligin uzartý boıynsha respýblıkalyq referendýmdy ótkizý úshin kem degende 200 myń adam bul bastamaǵa qoldaý bildirýi tıis. Menińshe, bul bastamany elimizdiń barlyq azamattary qoldaıdy. Al referendýmdy 2011 jyldyń naýryz aıynda ótkizýge bolady», - dedi V.Redkokashın.

Aıta keteıik, búginde Qazaqstannyń Tuńǵysh Prezıdentiniń ókilettiligin uzartý jónindegi respýblıkalyq referendýmdy ótkizý bastamasyn Qazaqstan halqy Assambleıasynyń músheleri, ulttyq-mádenı ortalyqtardyń jetekshileri, QR Parlamenti Senatynyń depýtattary jáne taǵy basqalar qoldaýda.