QR Tuńǵysh Prezıdentiniń mýzeıinde «Ult jaýHarlary» atty zergerlik buıymdar kórmesi ashylady
ASTANA. QazAqparat - Búgin 17.00-de Qazaqstan Respýblıkasy Tuńǵysh Prezıdentiniń mýzeıinde «Ádemi-Aı» Óner murajaıynyń jınaqtarynan «Ult jaýHarlary» atty antıkvarlyq zergerlik buıymdar kórmesiniń ashylý rásimi ótedi.
Óner murajaıy 2011 jyly belgili kollektsıoner, ónertanýshy Bahargúl Tólegenniń kúsh-jigerimen ashylǵan bolatyn. Qazirgi tańda jádigerler sany 1000-nan astam murajaı ekspozıtsııalarynan b.z.d. III - I ǵǵ. Kýshan patshalyǵynyń arheologııalyq artefaktileri men VI - HII ǵǵ. jatatyn tarıhı qundy dúnıelerdi kórýge bolady. Kórmege sonymen qatar 13 jyldan astam ýaqyt boıy tarıhı-mádenı qundylyqtarymyz ben ulttyq dástúrimizdi jańǵyrtyp kele jatqan «Ádemi-Aı» kompanııasynyń sándik-qoldanbaly óner buıymdary men kádesyılary usynylǵan.
Qazaqstan Respýblıkasy Tuńǵysh Prezıdentiniń mýzeıi bul kórmeni kópultty Qazaqstan halqynyń tarıhı-mádenı murasyn nasıhattap, kópshilikke jarııa etýge baǵyttalǵan seriktestik jobasy aıasynda uıymdastyryp otyr.
«Ult jaýHarlary» kórmesin uıymdastyrmas buryn kollektsııa ıesiniń Qazaqstan Respýblıkasy Prezıdenti N.Á. Nazarbaevpen kezdesýi ótip, Elbasy Bahargúldiń qazaq halqynyń mádenı murasyn saqtaý men zertteý qyzmetine joǵary baǵa bergen bolatyn.
Bul kezdeısoq emes, sebebi, Bahargúl Tólegen belgili kollektsıoner-etnograf Qazaqstandaǵy túrki halyqtarynyń sırek kezdesetin altyn jáne kúmis buıymdarynyń jalǵyz jeke murajaıynyń ıesi bolyp sanalady. Sonymen qatar, ol qazaqtyń ulttyq kádesyılaryn jasap shyǵaratyn «Ádemi-Aı RІus» kompanııasynyń prezıdenti. Balalyq jáne jastyq shaǵyn Qytaı Halyq Respýblıkasynda ótkizgen Bahargúl 1994 jyly tarıhı otanyna oralyp, bala kezindegi armanyna qol jetkizdi. Sol sátten bastap Bahargúl ómirin qazaqtyń ulttyq mádenıetin nasıhattaýǵa, ári qundy tarıhı jádigerlerdi jınaqtap saqtaýǵa arnady. Qazaqstan mádenıetin damytýǵa qosqan úlesi úshin 2010 jyly B. Tólegen QR Eńbek sińirgen mádenıet qaıratkeri ataǵyna ıe boldy. Sol jyly elimizdiń 30 tanymal áıelderi qatysqan «Qazaqstan áıeli - 2010» jobasynyń jeńimpazy atandy. 2013 jyly Bahargúl «Eren eńbegi úshin» medalimen marapattaldy.
Bul kórmeden Astana turǵyndary men qonaqtary etnografııalyq buıymdardyń keremet jáne baı kollektsııasymen tanysý múmkindigin alady, dep habarlady QR Tuńǵysh Prezıdentiniń mýzeıinen.
