QR Tuńǵysh Prezıdentiniń mýzeıi Elbasynyń 200-ge jýyq qoǵamdyq marapatyn el nazaryna usynady
ASTANA. QazAqparat - 8 maýsym kúni Qazaqstan Respýblıkasy Tuńǵysh Prezıdentiniń Mýzeıinde «Mártebesi bıik marapattar» atty Qazaqstan Respýblıkasynyń Prezıdenti - Elbasynyń qoǵamdyq marapattarynyń kórmesi ashylady, dep habarlady mýzeıdiń baspasóz qyzmetinen.
Alǵash ret qalyń kórermen nazaryna Memleket basshysynyń 200-den asa qoǵamdyq marapattary usynylady. Olardyń qatarynda: «Birinshi halyqaralyq beıbitshilik syılyǵy», «Investıtsııalyq Perishte» syılyǵy, «Jyl adamy» halyqaralyq syılyǵy jáne t.b.
Qoǵamdyq marapattar jıyntyǵy óziniń quramy jaǵynan ártúrli: ordender, alqalar, kýálikter, dıplomdar, maqtaý qaǵazdary jáne sertıfıkattar ekenin aıta ketek kerek. Ekspozıtsııa: memleketaralyq yntymaqtastyq pen yqpaldasý salasyndaǵy marapattar; memlekettik basqarý jáne ekonomıka salasyndaǵy marapattar; qaýipsizdik, salasyndaǵy marapattar; ultaralyq jáne konfessııaaralyq kelisim salasyndaǵy marapattar; bilim, ǵylym jáne densaýlyq saqtaý salasyndaǵy marapattar; mádenıet salasyndaǵy marapattar; sport jáne týrızm salasyndaǵy marapattar taqyryptaryna bólingen.
