QR Tuńǵysh Prezıdentiniń murajaıynda birinshi synyp oqýshylary úshin «Konstıtýtsııa - memleket táýelsizdiginiń negizi» atty murajaılyq sabaǵy ótedi
Bul týraly Tuńǵysh Prezıdenti murajaıynyń baspasóz baıanynda habarlandy.
Sabaqqa № 56 mektep-lıtseıiniń birinshi synyp oqýshylary qatysady. Murajaı pedagogtary balalardy demokratııalyq qoǵam men quqyqtyq memleket qurýdyń baǵdarlary belgilengen eldiń Negizgi zańynyń tarıhymen tanystyrady. Ózin-ózi taný elementteri arqyly balalar Otan, týǵan til, erkindik, memleket tarıhy jáne dástúrler týraly ózderiniń túsinikterimen bólisedi. Qazaqstan kartasy men álippesin qoldana otyryp, balalar Qazaqstanda turatyn ulttar týraly baıandaıdy. Mektep tabaldyryǵyn attaǵan jas búldirshinderge bolashaq túlekter - bıylǵy 11 synyp oqýshylary tilekterin bildiredi.
Konstıtýtsııa kúniniń qurmetine balalar mereke qonaqtaryna vokaldyq-horeografııalyq kompozıtsııa daıyndady. Qazaqstan Respýblıkasy Tuńǵysh Prezıdentiniń murajaıynda ótken alǵashqy sabaqtyń esteligi retinde balalarǵa syılyqtar men kádesyılar daıarlandy.