QR Tuńǵysh Prezıdentiniń murajaıynda balalar shyǵarmashylyǵynyń saıys-festıvali ótedi
ASTANA. 31 mamyr. QazAqparat - 3 maýsymda QR Tuńǵysh Prezıdentiniń murajaıynda balalar shyǵarmashylyǵynyń saıys-festıvali jáne «Túrli-tústi mozaıka» qalalyq saıys-festıvaliniń jeńimpazdaryn marapattaý saltanaty ótedi.
«Túrli-tústi mozaıka» saıysy - bul murajaıdyń «Balalyq shaqtan kózqaras» jobasy aıasyndaǵy Balalar kórkemsýret mektebimen birlesken is-sharasy.
Aǵymdaǵy jyly festıvalge 6 jastan 14 jasqa deıingi 80 bala qatysady. Al 6 jastan 8 jasqa deıingi balalar saıys sharttary boıynsha akvagrımmen bet tatýajyn, 9 jastan 11 jasqa deıingi balalar molbertte Qazaqstan týraly sýret salady. Al, 11-den joǵary jastaǵylar úshin plastmassa buıymdardy (oryndyqtar) akrıll boıaýlarymen taqyryptyq órnekteý ádisin qoldanady. Jumystaryn aıaqtaǵan soń balalarǵa súıikti mýltfılmderin kórýge múmkindik beriledi. Sondaı-aq, Astana qalasynda akkredıtatsııalanǵan elshilikter, halyqaralyq uıymdardyń ókilderi, QR Tuńǵysh Prezıdentiniń murajaıy jáne Astana qalalyq bilim departamentiniń basshylyqtary qatysqan bul mereke, saıys-festıvaliniń jeńimpazdaryn marapattaý saltanatymen aıaqtalady.
Halyqaralyq balalardy qorǵaý kúni - balalar úshin eń bir qýanyshty mereke ǵana emes, sonymen qatar eresekter úshin de eń jaýapty kún bolyp esepteledi. Halyqaralyq balalardy qorǵaý kúni 1949 jyly qarashada Parıjde ótken Halyqaralyq áıelder demokratııalyq federatsııasy kongresiniń sheshimimen qabyldandy.
