QR Tuńǵysh Prezıdentiniń qory úzdik jas ǵalymdardy marapattady
ALMATY. 11 jeltoqsan. QazAqparat /Erbol Turymbetov/ - Keshe Almatydaǵy QR Tuńǵysh Prezıdentiniń qorynda jańa jobalar baıqaýynda laýreat atanǵan jas ǵalymdar, óner qaıratkerleri men jas jýrnalısterdi marapattaý rásimi boldy.
Baıqaý osy jyldyń qyrkúıek aıynda jarııalanǵan bolatyn. Konkýrs barysynda 100-den asa usynys túsip, onyń arasynan 18 jumys iriktelip alyndy.
«Bul baıqaý osymen 3 jyl qatarynan uıymdastyrylyp otyr. Mundaǵy basty maqsat salalarda jetistikke jetken jas daryndardy qoldap, jańalyqtaryn iske asyrýǵa múmkindik jasaý. Otandyq ǵalymdardyń báıgege qosqan jobalarynyń kóbi buǵan deıin halyqaralyq baıqaýlardan júlde alyp, tipti halyqaralyq patentpen qorǵalǵandary da bar», -dedi QR Tuńǵysh prezıdenti qorynyń dırektory Darıǵa Nazarbaeva.
