QR Tuńǵysh Prezıdentiniń Qory «Tuma» rok-tobynyń birinshi albomyn shyǵarýǵa grant bóldi
ALMATY. QazAqparat - QR Tuńǵysh Prezıdentiniń Qory «Tuma» rok-tobynyń birinshi albomyn shyǵarýǵa grant bóldi. Erteń QR Tuńǵysh Prezıdenti - Elbasy Qorynyń ǵımaratynda «Tuma» tobynyń «Jarnama» jáne «Sýretshi» atty albomdaryniń birlesken tusaýkeser-kontserti ótedi.
«Tuma» toby - Qazaqstan jáne TMD elderindegi túrli konkýrstardyń jeńimpazy jáne rok-festıvalderdiń qatysýshysy. 2014 jyly jeltoqsan aıynda ótken «Na vershıne Tengrı» festıvaliniń «Trek sezona» nomınatsııasy boıynsha «Jarnama» ánimen jeńimpaz atanǵan. Sonymen qatar top «Hard rock rising» konkýrsynyń fınalısi ataǵyna ıe.
«Jastardyń kúndelikti ómiriniń eleýli bóligi tutynýǵa tabynýmen ótip jatyr. Jappaı tutyný mádenıetin taratý bolsa lázzat alýdyń ár túrli joldary men jaıly ómirdi nasıhattaýǵa ulasady. Biz óz ónerimizben tyńdarman qaýymdy óz taǵdyryna jaýapty bolýyna jáne kúsh-jigerlerin ózine, óziniń otbasyna jáne múshesi bolyp tabylatyn qoǵamnyń ıgiligi úshin jumsaýyna shaqyramyz», - dedi oryndaýshylar.
