«QR Tuńǵysh Prezıdentiniń eńbek joly boıynsha» oqýshylardyń saıahaty uıymdastyryldy
ASTANA. 12 qarasha. QazAqparat - QR Tuńǵysh Prezıdentiniń Kúnin, sondaı-aq 2012 jyldyń 9-11 jeltoqsanynda jaratylystaný-matematıka baǵytyndaǵy sabaqtardan V Prezıdenttik olımpıada baǵdarlamasy boıynsha sharany merekeleý aıasynda Memleket basshysynyń eńbek jolymen oqýshylardyń saıahaty uıymdastyryldy.
QR BǴM «Daryn» Respýblıkalyq ǵylymı-ádistemelik ortalyǵynyń baspasóz qyzmeti habarlaǵandaı, respýblıkalyq jáne halyqaralyq olımpıadalardyń jeńimpazdary men júldegerleri tobynyń Elbasy N. Á. Nazarbaevtyń eńbek joly boıynsha sapary uıymdastyryldy.
Saıahat N. Á. Nazarbaev dúnıege kelgen Almaty oblysyna qarasty Qaskeleń aýdanynyń Shamalǵan aýylynan bastaldy. Balalar Shamalǵanda Fýrmanova atyndaǵy orta mektepti, Prezıdenttiń balalyq shaǵy ótken Úshqońyr shatqaly men Prezıdent úzdik bitirgen Qaskeleńdegi Abaı atyndaǵy mektebin aralady. Odan soń Ýkraına, Dneprodzerjınsk qalasynda, Qaraǵandy metallýrgııalyq kombınaty janyndaǵy zaýytta boldy. Saıahat elimizdiń Astanasynda aıaqtaldy.
Ýkraınanyń Dneprodzerjınsk qalasynda olımpadashylar qala merimen kezdesip, N. Á. Nazarbaev oqyp, jumys istegen joǵary kásibı bilim ordasyn, aqparattyq tehnologııalar lıtseıin, metallýrgııalyq kombınatty aralady.
Saıahattyń barysynda fılm túsirildi, V Prezıdenttik olımpıadasynyń saltanatty sharasynda kórsetiletin bolady.
