QR Tuńǵysh Prezıdenti: Tájikstanmen ekijaqty qatynastar nyǵaıa beredi

NUR-SULTAN. QazAqparat - QR Tuńǵysh Prezıdenti Nursultan Nazarbaev Tájikstan Respýblıkasynyń Prezıdenti Emomalı Rahmonmen kezdesti. Bul týraly Elbasynyń baspasóz qyzmetinen málim etti.

Kezdesý barysynda Elbasy yntymaqtastyqtyń alǵashqy kúnderinen bastap Qazaqstan men Tájikstan berik dostyqqa jáne senimge negizdelgen qatynastar ornatqanyn atap ótti.

«Dostyǵymyz jyldan-jylǵa nyǵaıyp keledi. Siz álemdegi kúrdeli jaǵdaıda Tájikstandy basqaryp otyrsyz. Elderińiz dáıekti damyp, turaqtylyq qamtamasyz etilýde», - dedi Nursultan Nazarbaev.

Qazaqstannyń Tuńǵysh Prezıdenti ekijaqty qatynastar baýyrlas halyqtardyń ıgiligi úshin aldaǵy ýaqytta da nyǵaıa beretinin aıtty.

Óz kezeginde Emomalı Rahmon Nursultan Nazarbaevtyń basshylyǵymen Qazaqstan qarqyndy damyǵanyn atap ótti.

«Men Qazaqstannyń kóz aldymyzda qalaı ózgergenin kórdim. Elordada ótken alǵashqy kezdesýler meniń esimde jáne onyń qanshalyqty ózgergenin kórip otyrmyn. Oń ózgerister qalada ǵana emes, búkil elińizde júrip jatyr. Bul - Sizdiń tabysty jumysyńyzdyń, dana jáne kóregen saıasatyńyzdyń nátıjesi», - dedi Tájikstannyń Prezıdenti.