QR Tuńǵysh Prezıdenti Mýzeıinde «Baqytty qalam - Astana» atty balalar merekesi ótkiziledi
ASTANA. 2 shilde. QazAqparat - Astananyń 15 jyldyq mereıtoıy qarsańynda 3 shilde kúni saǵat 10.00-de Qazaqstan Respýblıkasy Tuńǵysh Prezıdenti Mýzeıinde elordanyń kishkentaı búldirshinderine arnalǵan «Baqytty qalam - Astana» atty mýzeılik balalar merekesi ótkiziledi, dep habarlandy Qazaqstan Respýblıkasy Tuńǵysh Prezıdenti Mýzeıiniń baspasóz qyzmetinen.
Qazaqstan Respýblıkasy Tuńǵysh Prezıdentiniń Mýzeıi óziniń aǵartý qyzmetin balalardy kópmádenıettilik konteksinde damytýǵa, mektepke deıingi balalardy salt-dástúrdiń san alýandyǵymen tanystyrýǵa, olardyń boıynda túrli mádenıetke qurmetpen qaraýdy qalyptastyrýǵa, tózimdilikti tárbıeleýge baǵyttaýda.
Balalar merekesi elordalyq № 11 «Gaýhar» bóbekter baqshasy ujymymen birlese daıyndaldy. Merekede qazaq halqynyń ańyz-ertegileri, Astana, dostyq pen baqytty balalyq shaq týraly óleńder men taqpaqtar oqylyp, bı men ánnen shashý shashylady.
Balalarǵa uıymdastyrýshylar tarapynan tosynsyılar men syılyqtar beriledi.
