QR Tuńǵysh Prezıdenti murajaıynda Naýryz merekesine oraı balalar kórmesi ótedi
ASTANA. QazAqparat - 19 naýryz kúni saǵat 16.00-de QR Tuńǵysh Prezıdentiniń mýzeıinde kóktem meıramyna arnalǵan «Naýryz» sándik-qoldanbaly óner boıynsha qalalyq baıqaýdyń jeńimpazdaryn saltanatty marapattaý rásimi jáne kórme ótedi.
Bul týraly elorda ákimdiginiń resmı saıtynda habarlanǵan. Elordalyq jalpy bilim beretin mektepter, lıtseıler men gımnazııalardyń oqýshylarynyń arasynda jarııalanǵan baıqaý balalardy kórkemsýret mádenıetine baýlýǵa, daryndy balalardy anyqtap,olardyń, oqytýshylardyń shyǵarmashylyǵyn dáripteýge baǵyttalǵan. Qazylar alqasynyń saraptamasyna oqytýshylar men balalardyń túrli janrdaǵy 100-den astam eńbegi usynyldy. Baıqaýǵa qatysýshylardy QR Sýretshiler odaǵynyń músheleri jáne QR Eńbek sińirgen mádenıet qaıratkerleri baǵalaıdy. Mýzeıdiń baspasóz qyzmetiniń habarlaýynsha, kórmeniń ashylý saltanatynda baıqaý jeńimpazdary marapattalady. Sonymen qatar, sándik-qoldanbaly óner boıynsha sheberlik synyby ótedi. «Naýryz» kórmesine kelýshiler qatysýshylardyń úzdik eńbekterimen tanysa alady. Sharany «Balalyq shaqtan kózqaras» jobasy aıasynda balalar kórkemsýret mektebi - ıÝNESKO klýby elordalyq Bilim basqarmasymen jáne QR Tuńǵysh Prezıdentiniń murajaıymen birlesip uıymdastyrǵan.
