QR Tuńǵysh Prezıdenti kúni merekesi kezinde halyqtyń eńbegi týraly aıtý qajet - Á.Smaıylov
ASTANA. 30 qarasha. QazAqparat - Búgin QR Statıstıka agenttiginde jeltoqsannyń 1-i - QR Tuńǵysh Prezıdenti kúnine arnalǵan merekelik jıyn ótti.
Atalǵan meıramdy qalaısha toılaý qajettigine toqtalǵan agenttik tóraǵasy Álıhan Smaıylov: «Shyny kerek, 20 jyldyń ishinde biz joǵary jetistikterge jetip, ózimizdi zaıyrly memleket retinde barsha álemge tanyttyq. Bizdiń sońǵy jetistigimiz - «EXPO-2017» kórmesin ótkizý múmkindigi sonyń birden-bir aıǵaǵy bola alady. Álem elderi Astanaǵa daýys berip, «EXPO-2017» halyqaralyq kórmesin osy jerde ótkizýdi qalady. Mine, osynyń bárine qýaný qajet. Qazaqstan Respýblıkasynyń Tuńǵysh Prezıdenti kúni meıramy kezinde osy jetistikterdi ulyqtap, qazaqstandyqtardyń óz eli úshin maqtanysh sezimin kúsheıtý kerek. Bizdiń qazirgi jetistikterimiz - ol halyqtyń eńbegi. Árıne, Elbasy Nursultan Nazarbaevtyń eren eńbegin de umytýǵa bolmaıdy», - deıdi Á.Smaıylov.
