QR Tuńǵysh Prezıdenti kúni qarsańynda Aqmola oblysynda volonterler marapattaldy
Qarashanyń 30-ynda Aqmola oblysynyń Polıtsııa departamentinde Kókshetaý qalasynyń eriktilerin saltanatty marapattaý rásimi ótti. Departament bastyǵy, general-maıor Armanbek Baımýrzın vedomstvo qonaqtaryna áleýmettik jaýapkershiligi, belsendi azamattyq ustanymy jáne ishki ister organdaryna qoǵamdyq tártipti saqtaý jáne qamtamasyz etý isinde qolǵabysy úshin alǵysyn bildirdi.
Aqmola oblysy volonterlik uıymdarynyń eń belsendi qatysýshylaryna saltanatty túrde baǵaly syılyqtarmen jáne alǵys hattar tabystaldy. Sonymen qatar, qyzmettik mindetterin úlgili atqarǵany úshin birqatar polıtsııa qyzmetkerleri marapattaldy.
PD bastyǵy óz sózinde, volonterlik uıymdardyń qyzmeti belsendi azamattyq ustanymnyń úlgisi bolyp tabylatynyn jáne ishki ister organdary men azamattyq qoǵamnyń ózara is-qımylyn odan ári damytýǵa yqpal etetinin atap ótti. General-maıor Qazaqstan qoǵamynyń ıgiligi úshin odan ári jemisti yntymaqtastyqqa senim bildirdi.
«Aıta ketý kerek, aqmolalyq eriktiler qoǵamdyq tártipti saqtaýǵa belsendi qatysady. Aǵymdaǵy jyldyń basynan beri «Fenıks» volonterlik ortalyǵynyń, «Jıznennyı pýt», «Ómir» qoǵamdyq qorlarynyń qatysýymen 25-ten astam reıdtik is - shara ótkizildi, onyń barysynda 235 graffıtı-jazba boıaldy, esirtkini satý boıynsha saıttardyń adresi kórsetilgen 17 stıker joıyldy», - dep atap ótti vedomstvoda.
Eriktilerdiń iz-túzsiz joǵalǵandardy izdeýge kómektesýin eskerý qajet, bul izdeý aımaǵyn keńeıtýge, jergilikti turǵyndarmen tezirek suhbattasýǵa jáne saıyp kelgende, qıynshylyqqa tap bolǵandardy qutqarýǵa múmkindik beredi. Sondaı-aq, eriktiler koronavırýstyq ınfektsııanyń taralýyna qarsy kúreske baǵyttalǵan aldyn alý sharalaryn qaıta paıdalanýǵa bolatyn maskalardy aqysyz taratý túrinde júrgizýge kómektesedi.
Jalpy, jyl basynan beri polıtsııa men eriktilerdiń birlesken kúsh-jigeriniń arqasynda kóptegen aýyr quqyq buzýshylyqtar men qylmystar aldyn alyndy.