QR Tuńǵysh Prezıdenti qorynyń uıymdastyrýymen «Jastar ǵylymda - 2010» halyqaralyq forýmy ótedi
ASTANA. Mamyrdyń 13-i. QazAqparat - Mamyrdyń 14-15-i kúnderi QR Tuńǵysh Prezıdenti qorynyń uıymdastyrýymen «Jastar ǵylymda - 2010» halyqaralyq forýmy ótedi. Oǵan elimizdiń tanymal ǵalymdary, QR Parlamentiniń ókilderi, jas ǵalymdar, Almaty, Astana qalalarynyń, sonymen qatar óńirlerdiń joǵary oqý oryndarynyń magıstranttary qatysady.
Bul týraly atalǵan forýmdy uıymdastyrý komıtetinen habarlady.
Forým barysynda Halyqaralyq bıznes ýnıversıteti «Jastar ǵylymda: ınnovatsııalyq úderisterdegi kóshbasshylyq perspektıvalary» atty halyqaralyq ǵylymı-tájirıbelik konferentsııa ótkizedi. Onda jas ǵalymdar qazirgi zamanǵy qoǵamdyq-saıası úderister konteksinde bıznes kóshbasshylardy, ǵylymı-pedagogıkalyq kadrlardy qurý jáne damytý joldaryn talqyǵa salmaq.
Moderator jáne sheberlik sabaqtaryn júrgizýshi retinde shet eldik joǵary oqý oryndarynyń jas ǵalymdary shaqyrylǵan.
