QR Tuńǵysh Prezıdenti kitaphanasynda alǵashqy oqyrman bıletterin tapsyrý rásimi ótedi
ASTANA. QazAqparat - Osy aptada QR Tuńǵysh Prezıdenti kitaphanasynda alǵashqy oqyrman bıletterin tapsyrý rásimi ótedi. Bul týraly búgin ótken brıfıngte Ortalyq kommýnıkatsııalar qyzmetiniń ókili Áset Muqajanov aıtty.
«Osy aptada QR Tuńǵysh Prezıdenti kitaphanasynda brıfıng pen presidentlibrary.kz veb-saıtynyń tanystyrylymy ótedi, sondaı-aq onda alǵashqy oqyrman bıletteri tapsyrylady»,-dedi ol.
Esterińizge sala keteıik, atalǵan kitaphana «Nazarbaev Ortalyǵy» ǵımaratynda ornalasqan. Kitaphana qory 20 myń eńbekti qamtıdy. Mekeme Prezıdentke syıǵa tartylǵan eksponattardy jınaqtaýmen de aınalysady. Qazirgi kúni memleket basshylarynyń jáne olardyń resmı ókilderiniń syılyqtaryn, óner týyndylary men tarıhı jádigerlerdi qosqanda, Nursultan Nazarbaevtyń jeke kollektsııasynan alynǵan 500 eksponat bar.
