QR Tuńǵysh Prezıdenti kitaphanasynda álemdik ǵylymı elektrondyq resýrstar qoljetimdi boldy
ASTANA. QazAqparat - Qazaqstan Respýblıkasynyń Tuńǵysh Prezıdenti - Elbasy kitaphanasy oqyrmandarǵa 70-ten astam otandyq jáne sheteldik aqparattyq resýrstarǵa qol jetkizýin qamtamasyz etedi.
Olardyń arasynda paıdalanýshylarǵa álemdegi sońǵy ǵylymı jetistikter týraly aqparat alý jáne olardy kásibı jáne ǵylymı qyzmetinde qoldanýǵa múmkindik beretin - ǵylymı derekqorlar, aqparat jáne taldaý ortalyqtary, elektrondy kitaphanalar bar, dep habarlaıdy kitaphananyń baspasóz qyzmetinen.
31 jeltoqsanǵa deıin kitaphana saıty arqyly barlyq paıdalanýshylar úshin álemdik baspalardyń birqatar aqparattyq derekqorlaryna «Euromonitor International» (álemdegi 210 eldiń ekonomıkalyq zertteýlerin jáne taldaý esepterin jarııalaıtyn halyqaralyq zertteý kompanııasy) «Taylor & Francis» (jyl saıyn 1800-den astam jańa akademııalyq kitaptar jáne 1000 jýrnal jarııalaıdy), «Wiley-Blackwell» (1500-den astam ǵylymı jýrnaldar men kitaptardy, 750 ǵylymı ádebıetti qamtıdy), EBSCO Publishing (álemdegi jetekshi baspalardyń ǵylymı resýrstarynyń iri agregatory 3000-nan astam jýrnaldardyń tolyq jınaǵyn usynady) shekteýsiz qol jetkizý múmkindigi bar.
Elektrondyq resýrstardyń mazmunymen www.presidentlibrary.kz saıtynyń «Elektrondyq resýrstar» bólimi arqyly tanysýǵa bolady.
Elektrondyq resýrstardy paıdalaný dárejesin, sondaı-aq paıdalanýshylardyń jańa qajettilikterin anyqtaý maqsatymen jáne asa suranysqa ıe resýrstarǵa qol jetkizýdi qamtamasyz etýdi jalǵastyrý úshin Elbasy kitaphanasy saýalnama júrgizedi. Onyń suraqtaryna oqyrmandar kitaphana saıtynda jaýap bere alady.
