QR Tuńǵysh Prezıdenti ıntellektýaldyq mektebinde jaratylystaný ǵylymdary boıynsha jasóspirimderdiń ashyq olımpıadasy aıaqtaldy

dep habarlady atalǵan mekemeniń baspasóz qyzmetinen.

Uıymdastyrýshylardyń atap ótýinshe, jaratylystaný ǵylymdary boıynsha jasóspirimderdiń ashyq olımpıadasy ǵylymı bilimdi nasıhattaý, oqýshylardyń shyǵarmashylyq qabiletterin, ǵylymı qyzmetke degen qyzyǵýshylyqtaryn oıatý ári damytý, olardyń ıntellektýaldyq damýy úshin jaǵdaı jasaý, ǵylymı qyzmetke daryndy balalardyń qyzyǵýshylyǵyna qoldaý kórsetý maqsatynda osymen 2-shi jyl ótkizilip otyr.

Aǵymdaǵy jyly bilim jarysynda elimizdiń barlyq oblystarynan, Almaty men Astana qalalarynan jáne Kókshetaý men Semeı qalalaryndaǵy QR Tuńǵysh Prezıdenti ıntellektýaldyq mektepterinen 33 komanda (99 adam) baq synady. Sondaı-aq osy jyly olımpıadanyń geografııalyq aýqymy keńeıip, Tájikstannyń oqýshylary da bilim saıysyna qatysty.

Eki kúnge sozylǵan olımpıadanyń tájirıbelik jáne teorııalyq kezeńderinde qatysýshylar hımııa, fızıka, bıologııa pánderi boıynsha bilim deńgeılerin, sonymen qatar ǵylymı tájirıbege qabilettiligin, praktıkalyq daǵdysyn kórsetti.

Sharanyń jabylý saltanatynda barlyq qatysýshylar sertıfıkattar, al jeńimpazdar altyn, kúmis, qola medaldarmen marapattaldy.

Olımıadany QR Bilim jáne ǵylym mınıstrliginiń qoldaýymen «Órken» AQ ótkizdi.