QR Tuńǵysh Prezıdenti - Elbasy uǵymyna baılanysty jurtshylyq arasynda túsindirý jumystaryn qolǵa alý qajet - depýtat Z. Bálıeva
ASTANA. Mamyrdyń 12-si. QazAqparat /Qanat Mámetqazyuly/ - QR Tuńǵysh Prezıdenti-Elbasy uǵymynyń zańda qamtylýyna baılanysty jurtshylyq arasynda túsindirý jumystaryn qolǵa alý qajet. Bul týraly búgin QR Parlamenti Májilisiniń jalpy otyrysynda depýtat Zaǵıpa Bálıeva málim etti,
dep habarlaıdy QazAqparat.
«QR Tuńǵysh Prezıdentiniń - Elbasynyń qyzmetin qamtamasyz etýge qatysty zań jobalaryna qol qoıylǵannan keıin QR Parlamenti Májilisindegi «Nur Otan» partııasynyń fraktsııasy jurtshylyq arasynda túsindirý jumystaryn qolǵa alý kerek dep oılaımyn. Óıtkeni, bizde zańdy túrde memlekettigimizdi nyǵaıtýshy faktor Elbasy - Ult Kóshbasshysy uǵymy qoldanylatyn bolady. Buny halyqqa durys jetkizýdiń oń nátıje beretini aıqyn», dedi depýtat.
Onyń paıymdaýynsha, táýelsiz memlekettiń Eltańbasy, Týy sekildi atrıbýttarynyń qataryna «Elbasy» («Ult Kóshbasshysy») de enetin bolady.
