QR Tuńǵysh Prezıdenti - Elbasy qory Qazaqstan kompanııalaryna IT jobalardy engizedi
ASTANA. QazAqparat - Búgin Qazaqstan Respýblıkasy Tuńǵysh Prezıdenti-Elbasy Qorynyń bastamasy boıynsha ótkizilgen «Method PRO» jobasy boıynsha eki aptalyq ІT-taǵylymdamanyń qorytyndysy jasaldy, dep habarlady Qazaqstan Respýblıkasy Tuńǵysh Prezıdenti-Elbasynyń Qory nyń baspasóz qyzmeti.
«Method PRO» jobasy - Qazaqstannyń ІT-ındýstrııasyn damytýǵa baǵyttalǵan elimizdiń daryndy jastaryna arnalǵan arnaıy kásibı bilim berý platformasy.
Jobany iske asyrý barysynda 100 daryndy stýdentke arnalǵan otandyq jáne sheteldik mamandardyń mobıldi jáne veb-ázirlemeleri, mashınalyq oqytý jáne Vig Data, marketıng jáne bıznes-taldaýdy qoldaný jóninde semınarlar ótkizildi. Jobany iske asyrý barysynda oǵan qatysýshylar elordanyń iri kompanııalary jáne kásiporyndarynda taǵylymdamadan ótti, onyń nátıjesinde qatysýshylar «Qazposhta», «Kazatomprom», Bas prokýratýra jáne t.b. úshin sheshim-jobalaryn ázirledi.
Nazarbaev Ortalyǵynyń alańynda joǵaryda atalǵan kompanııalardyń ІT-baǵdarlamalary jáne bıznes-usynystaryn engizý jónindegi jumystary kórsetiledi.
«Qazposhta» AQ úshin usynylatyn joba - jasandy ıntelektige negizdelgen jáne paıdalanýshylarǵa qyzmet kórsetý sapasyn jaqsartýǵa múmkindik beretin júıe.
«Kazatomprom» AQ úshin usynylatyn joba - ken oryndarynan ýrandy óndirgen kezde kenishterdi tsıfrlaýǵa múmkindik beretin tsıfrlyq kenish júıesi.
Bas prokýratýraǵa arnalǵan joba - «Belsendi azamat» mobıldi qosymshasy. Qylmystyń monıtorıngisin júrgizýge, onlaın rejıminde shaǵym jáne ótinish jasaýǵa múmkindik beretin júıe.
Tusaýkeserge QR Tuńǵysh Prezıdenti-Elbasy Qorynyń atqarýshy dırektory Qanat Jumabaev, AQSh-tyń QR-daǵy elshisi Djordj Kroll, jobany birlesip uıymdastyrýshy Dagar Davletov, «Zerde» ulttyq aqparattyq kommýnıkatsııalyq holdıngisi basqarmasynyń tóraǵasy Rýslan Eńsebaev, «Qazposhta» AQ-ynyń ınnovatsııalar jáne aqparattyq tehnologııalar jónindegi basqarýshy dırektory Narıman Muqushev qatysty.
QR Tuńǵysh Prezıdenti-Elbasy Qorynyń atqarýshy dırektory Qanat Jumabaev: «Qordyń uıymdastyryp otyrǵan jobalary - adamı kapıtalǵa degen salym, olar Qazaqstan jastarynyń jeke dara, kásibı jáne rýhanı damýyna yqpal etedi. Jastarǵa salynǵan búgingi ınvestıtsııalar memlekettiń progresine salynǵan ınvestıtsııalar bolyp tabylady», dep atap ótti.
