QR Tuńǵysh Prezıdenti - Elbasy kitaphanasynyń alǵashqy oqyrmandary depýtattar men jazýshylar bolady
ASTANA. QazAqparat - Qazaqstan Respýblıkasynyń Tuńǵysh Prezıdenti - Elbasy kitaphanasynyń tuńǵysh oqyrmandary QR Parlamentiniń depýtattary men jazýshylar, ǵalymdar men zııaly qaýym bolady. Bul týraly búgin kitaphana saıtynyń tusaýkeser rásiminde kitaphananyń baspasóz hatshysy Oksana Loskýtova aıtty.
«Qarashanyń basynda Elbasynyń alǵashqy oqyrmandary belgili bolady. ıAǵnı, oqyrman bıletterin tapsyrý sharasy ótedi. Olardyń qatarynda Senat, Májilis depýtattary, ataqty jazýshylar, ǵylym jolyndaǵy el aǵalary bar», - dep atap ótti ol kitaphananyń bir jyldyq jumys josparymen tanystyrý barysynda. Sondaı-aq, baspasóz hatshysynyń málimetinshe, Qazaqstan Respýblıkasynyń Bilim jáne ǵylym mınıstrliginiń atsalysýymen «Bilim berý alańy «Álemdi ózgertetin oılar»» atty dóńgelek ústel ótkizý josparlanǵan. «Sonymen qatar, kitaphana qabyrǵasynda «Tuńǵysh-Pervyı» derekti fılmder aptalyǵy ótedi. Bul shara byltyr Prezıdent kúni qarsańynda alǵash ret uıymdastyrylǵan bolatyn. Bıylǵy sharanyń ózndik ereksheligi bar, ıaǵnı aptalyqtyń ashylýynda belgili frantsýz rejısseri Rejıs Gezelbashtyń Tuńǵysh Prezıdent, Táýelsiz Qazaqstanyń tarıhy jáne Elbasynyń kitaphanasy týraly fılmderi kórsetiledi», - dedi O. Loskýtova. Onyń aıtýynsha, bıylǵy oqý jyly qarsańynda «Bizdiń Prezıdent» kitabynyń tusaý kesilgen bolatyn. Endi bul kitap eldiń aımaqtaryna, naqty aıtqanda Almaty men ShQO-nyń Nazarbaev zııatkerlik mektepterinde oqyp jatqan balalarǵa jol tartady. Sonymen qatar, jyl sońynda muǵalimder men jas ǵalymdarǵa arnalǵan «Bizdiń el - bizdiń Prezıdent» atty trenıng-semınarlar ótkiziledi. Sondaı-aq, kitaphanada ashyq esik kúnin ótkizý de josparlanǵan. Bul kúni Elbasy kitaphanasyna oblystardan delegattar keledi dep kútilýde.
