QR TSM týrkompanııalarǵa qazaqstandyq týrısterdi Taılandqa ýaqytsha jibermeýge keńes berdi

Eske salaıyq, Sıam shyǵanaǵyndaǵy teńiz daýyly men nóserli jaýyndardyń saldarynan Samýı, Pangan jáne Tao araldary sý astynda qaldy. Keıbir araldardaǵy sý deńgeıi bir jarym metrge jetti. Al Samýıdiń jekelegen aýdandarynda aýyz sý tapshy, onymen birge, elektr jaryǵy tolyǵymen óship qalǵan.

«Osy rette, týrıstik qyzmetti júzege asyrýshy tulǵalarǵa jeke qaýipsizdikke qaýip tónýine baılanysty Samýı, Pangan jáne Tao araldaryna týrısterdi jiberýdi ýaqytsha toqtatýdy usynamyz», - delingen TSM-nyń taratqan habarlamasynda.

Al tabıǵı apat aýmaǵynda qalyp qoıǵan týrısterge mınıstrlik, jeke qaýipsizdikti qamtamasyz etýge baǵyttalǵan barlyq sharalardy qolǵa alýǵa jáne ózderimen birge jeke bastaryn kýálandyratyn qujattardy alyp júrýge keńes berdi. Taıland Koroldigine sapar shegýdi josparlap otyrǵan azamattar da atalǵan jaǵdaılardy qatań ustanýy qajet.

QR Syrtqy ister mınıstrliginiń aqparatynsha, tabıǵı apat kezinde Samýı aralynda demalyp júrgen qazaqstandyqtardyń sany 27 adam boldy, onyń 19-y qurylyqqa jetkizildi. Qalǵan 8 týrıst demalystaryn jalǵastyrýdy qalady.