QR Tótenshe jaǵdaılar mınıstrliginde kezekten tys attestattaýdy ótkizýge daıyndyq júrýde

Bul týraly vedomstvonyń baspasóz qyzmetinen málim etti.

Qazaqstan Respýblıkasy Tótenshe jaǵdaılar mınıstriniń atalmysh Jarlyqty iske asyrý jónindegi buıryǵy shyqty, onda:

Kezekten tys attestattaý ótkizý jóninde Ortalyq jáne repýblıkalyq attestattaý komıssııasynyń qyzmetin qamtamasyz etý boıynsha Jumys tobynyń quramy jáne Erejesi;

QR TJM memmlekettik órtke qarsy qyzmet organdary qyzmetkerlerin kezekten tys attestattaýdan ótkizý jónindegi is-sharalar jospary;

qyzmettik jáne dene tárbıesi daıyndyǵy normatıvteriniń tizbesi;

psıhologııalyq áńgime júrgizý tártibi;

Qazaqstan Respýblıkasy Tótenshe jaǵdaılar mınıstrliginiń qyzmetin retteıtin Qazaqstan Respýblıkasy zańnamasyn bilýge arnalǵan kompıýterlik testileý júrgizý úshin suraqtar tizbesi;

Ortalyq attestattaý komıssııasynda kezekten tys attestattaýdan ótetin qyzmetkerlerden dene tárbıesi daıyndyǵy boıynsha normatıvter qabyldaý jónindegi komıssııa quramy bekitildi.

Sondaı-aq Mınıstrliktiń memlekettik órtke qarsy qyzmet organdary qyzmetkerlerin kezekten tys attestattaýdan ótkizý jónindegi ádistemelik usynys jáne Mınıstrliktiń memlekettik órtke qarsy qyzmet organdary qyzmetkerlerine kezekten tys attestattaý júrgizý jónindegi Ortalyq attestattaý komıssııasy týraly ereje ázirlenip, Prezıdent Ákimshiligine kelisimge jiberildi.

Qazaqstan Respýblıkasy Prezıdentiniń janyndaǵy Joǵary attestattaý komıssııasynda 20 qyzmetker attestattaýdan ótedi.

Qazaqstan Respýblıkasy Prezıdentiniń janyndaǵy Joǵary attestattaý komıssııasynda attestattaýdan ótetin qyzmetkerlerdi kezekten tys attestattaý 2 kezeńde ótedi.

Birinshi attestattaý kezeńinde quqyq qorǵaý organdaryndaǵy eńbek ótili 20 jyldan az jáne osy laýazymdy bir jyldan artyq atqarǵan qyzmetkerler, ekinshi kezeńinde barlyq qalǵan qyzmetkerler ótedi.

QR Tótenshe jaǵdaılar mınıstrligi «Órt qaýipsizdigi týraly» Qazaqstan Respýblıkasynyń Zańyn bilýge testileý suraqtarynyń tizbesin jasap, Qazaqstan Respýblıkasynyń Memlekettik qyzmet isteri agenttigine jiberdi. Búgin kúni suraqtar kelisildi.

Ár normatıvtik quqyqtyq akti boıynsha Memlekettik órtke qarsy qyzmet organdarynyń qatardaǵy jáne kishi basshy quramy úshin bastapqy mán 40 %-dan kem, al orta basshy quram men basshylyq úshin 70 %-dan kem bolmaýy kerek dep belgilendi.

Qazirgi kezde Ortalyq jáne Óńirlik attestattaý komıssııasynyń quramy boıynsha usynystar jınaldy.

Barlyq deńgeıdegi attestattaý komıssııalarynyń jumysyna tıisti ardagerler uıymdary jáne buqaralyq aqparat quraldary ókilderin tartý kózdelgen.

Ortalyq jáne Óńirlik attestattaý komıssııalarynda kezekten tys attestattaýdan ótetin qyzmetkerlerdiń tizimi jasaldy.

Mınıstrliktiń memlekettik órtke qarsy qyzmet organdarynyń barlyǵy 17 097 qyzmetkeri kezekten tys attestattaýǵa jatady, olardyń ishinde:

41-i ortalyq apparattyń qyzmetkerleri;

30-y Órtke qarsy qyzmet komıtetinen;

1678-i oblystar, Astana jáne Almaty qalalarynyń Tótenshe jaǵdaılar departamentterinen;

15 213-i oblystar, Astana jáne Almaty qalalarynyń Tótenshe jaǵdaılar departamentteri «Órt sóndirý jáne avarııalyq-qutqarý jumystary qyzmeti» MM-nen;

20-y «Respýblıkalyq daǵdarys ortalyǵy» MM-nen;

115-i «Kókshetaý tehnıkalyq ınstıtýty» MM-nen.

Mınıstrliktiń ortalyq attestattaý komıssııasynda (budan ári - OAK) maýsym men tamyz aralyǵynda kezekten tys attestattaýdan Mınıstrlik ortalyq apparatynyń, memlekettik órtke qarsy qyzmet komıtetiniń, «Respýblıkalyq daǵdarys ortalyǵy» MM-niń qyzmetkerleri, sondaı-aq Qazaqstan Respýblıkasy Tótenshe jaǵdaılar mınıstriniń nomenklatýrasyna jatatyn oblystar, Astana jáne Almaty qalalarynyń Tótenshe jaǵdaılar departamentteriniń, «Órt sóndirý jáne avarııalyq-qutqarý jumystary qyzmeti» MM-niń barlyǵy 394 qyzmetkeri (óńirlik attestattaý komıssııasynyń quramyna úmitkerlerdi esepke almaǵanda) ótedi.  

Kezekten tys attestattaý maqsattary men mindetteri týraly qyzmetkerlermen túsindirý jumystaryn júrgizý úshin QR Tótenshe jaǵdaılar mınıstrliginiń resmı veb-saıtynda jáne «Pojarnyı ı spasatel» jýrnalynda arnaıy aıdar ashyldy, onda alda bolatyn memlekettik órtke qarsy qyzmet organdary qyzmetkerlerin kezekten tys attestattaý týraly tolyq aqparat berilgen. Munda attestattaý ótkizý qaǵıdalaryn reglamentteıtin barlyq normatıvtik quqyqtyq qujattar, Joǵary attestattaý komıssııasynda kezekten tys attestattaýǵa jatatyn basshy quram tizimi berilgen. Atalǵan aıdarda attestattaý barysy týraly hronologııa boıynsha turaqty jańartylǵan aqparat berilip otyratyn bolady. Mundaı aıdarlar oblystar, Astana, Almaty q.q. TJD saıttarynda da ashyldy.

Sondaı-aq paıdalanýshylar Qazaqstan Respýblıkasy Prezıdentiniń resmı saıtynda - www.akorda.kz jáne Qazaqstan Respýblıkasy Tótenshe jaǵdaılar mınıstrliginiń saıtynda - www.emer.kz buzýshylyqtar jáne Mınıstrliktiń memlekettik órtke qarsy qyzmet organdary qyzmetkerleriniń  zańsyz is-qımyldar faktileri týraly habarlamalar men ótinishter qaldyra alady.

Sonymen qatar ústimizdegi jyldyń 18 mamyrynda kezekten tys attestattaýǵa daıyndyq jáne ony ótkizýdi túsindirý maqsatynda aýmaqtyq organdar jáne vedomstvolyq uıymdar bastyqtarymen, kadrlyq, psıhologııalyq jáne baspasóz qyzmetiniń qyzmetkerlerimen beınekonferentsııa ótkizý josparlanyp otyr. Aýmaqtyq organdardan problemalyq suraqtar jınalyp alyndy, olar osy beınekonferentsııa barysynda túsindiriletin bolady.

 Quqyq qorǵaý organdaryn kezekten tys attestattaýǵa daıarlaý jáne ótkizý máseleleri Mınıstrlik basshylyǵynyń qatań baqylaýyna alynǵan.