QR Tótenshe jaǵdaılar mınıstrligi Mysyrdan qazaqstandyq azamattardy evakýatsııalaýdy jalǵastyrýda
ASTANA. 2 aqpan. QazAqparat - QR Tótenshe jaǵdaılar mınıstrligi Mysyrdan qazaqstandyq azamattardy evakýatsııalaýdy jalǵastyrýda. Bul týraly vedomstvonyń baspasóz qyzmetinen málim etti.
«Búgin tańerteńgi saǵat 9.15-te Qazaqstan Respýblıkasy Tótenshe jaǵdaılar mınıstrliginiń TÝ-154M avıalaıneri qalǵan qazaqstandyq azamattardy evakýatsııalaý úshin Mysarǵa qaıta ushty», - delingen habarlamada.
Eske salaıyq, búgin túngi saǵat 0.45-te QR TJM-nyń ushaǵy Qaırdan Almatyǵa qazaqstandyq 139 azamatty jetkizdi, onyń 39-y balalar, sondaı-aq Kaırdaǵy dıplomatııalyq ókildiktiń qyzmetkerleri men olardyń otbasylary.
QR TJM «Apattyq medıtsına ortalyǵynyń» dárigerleri men Respýblıkalyq shuǵyl-qutqarý jasaǵynyń qutqarýshylary azamattarmen birge ushaq bortynda birge kelip, qajetti medıtsınalyq kómekterdi kórsetip otyrdy. Ózge qalalarda turatyn azamattarǵa Almatynyń qonaq úılerinde ornalasýǵa jáne turǵylyqty jerlerine jetýge kómekter berildi.
