QR Tótenshe jaǵdaılar mınıstri sý tasqynyna qarsy bóget salýdy qajet etetin aımaqtardy atady
ASTANA. 9 qazan. QazAqparat - Qazaqstanda 500 shaqyrymnan astam sý tasqynyna qarsy tosqaýyl bógetin salý kerek.
Bul týraly búgin selektoryq rejımde ótken Úkimet otyrysynda QR Tótenshe jaǵdaılar mınıstri Vladımır Bojko málim etti.
Tasqyndarǵa tosqaýyl qoıý jónindegi taldaý jumystary qashyqtyǵy 547 shaqyrym bógettiń qurylysyn júrgizý jáne qoldanystaǵy 185 shaqyrym bógetti kúsheıtý sharalarynyń qajettiligin kórsetip otyr. Sondaı-aq tasqyn qaýpi bar 174 ózenniń arnasyna 747 shaqyrymǵa jýyq aralyqta túbin tereńdetý men keńeıtý jumystaryn júrgizý kerek eken.
Mınıstrdiń málimetinshe, atalǵan másele Aqmola, Almaty, Shyǵys Qazaqstan, Batys Qazaqstan jáne Ońtústik Qazaqstan oblystary, sonymen qatar «Qorǵas» shekara boıyndaǵy yntymaqtastyq halyqaralyq ortalyǵy úshin ózekti bolyp tabylady.
