QR TMRA tutynýshylar quqyǵyn qorǵaý úshin kórsetiletin qyzmetter sapasyn monıtorıngileý jáne baqylaý júıesin zańnamalyq turǵyda engizýdi usynady
ASTANA. 25 aqpan. QazAqparat - QR Tabıǵı monopolııalardy retteý agenttigi tutynýshylar quqyǵyn qorǵaý úshin kórsetiletin qyzmetter sapasyn monıtorıngileý jáne baqylaý júıesin zańnamalyq turǵyda engizýdi usynady. Bul týraly búgin tutynýshylardyń quqyqtaryn qorǵaý sharalaryn talqylaýǵa arnalǵan dóńgelek ústel otyrysynda atalǵan vedomstvo tóraǵasynyń orynbasary Anatolıı Shkarýpa málim etti.
Onyń atap ótýinshe, TMRA kommýnaldyq qyzmetter kórsetý barysynda halyqqa servıstik qyzmetter kórsetý úshin sáıkesinshe zańnamalyq jáne normatıvtik-tehnıkalyq negiz qurýdy da usynyp otyr.
Sonymen qatar A.Shkarýpa óz sózinde jeńildetilgen tártippen turǵyn úı járdemaqysyn rásimdeý jáne alý protsedýralaryn jetildirý qajettigin de atap ótti.
