QR TKSh-ny jańǵyrtýdyń 2011 - 2020 jyldarǵa arnalǵan baǵdarlamasyna ózgerister engizildi
«Ózgerister men tolyqtyrýlar baǵdarlamanyń tıimdiligin arttyrýǵa, oǵan halyqtyń qatysý tetikterin jeńildetýge, sondaı-aq, ony iske asyrý tetikterin jetildirý maqsatyna baǵyttalǵan.
Jańa ózgeristerge sáıkes ortaq múlikti jóndeý jumystarynyń úlgilik túrleri belgilendi. Sonymen, kúrdeli jóndeý jumystaryn júrgizý kezinde azamattar jumystardyń eń az túrin nemese jumystardyń eń kóp túrin tańdaı alady. Bul rette, jumystardyń eń az túri - turǵyn úıdiń shatyryn, kireberisin jáne jertólesin jóndeý (jylylaý), jumystardyń eń kóp túri - turǵyn úıdiń shatyryn, kireberisin, jertólesin, qasbetin jóndeý (jylylaý), lıftin (bar bolsa) jóndeý.
Halyqtyń Baǵdarlamaǵa qatysýyn jeńildetýdiń negizgi tetikteriniń biri úı-jaı (páter) ıeleriniń 3%, 5% jáne 7% mólsherinde kózdelgen aldyn ala salymyn alyp tastaý boldy. Bul sharalar baǵdarlamany iske asyrý kezinde kóptegen turǵyndarǵa alǵashqy tólemderin qysqa merzimde jınaýda qıyndyq týdyratyndyqtan qabyldandy, tıisinshe olardyń úıleri baǵdarlamaǵa qatysa almaıdy. Atalǵan ózgerister aǵymdaǵy jyldan bastap turǵyn úılerge jóndeý jumystaryn ótkizý boıynsha kelip túsetin ótinimderge yqpal etetin bolady.
Baǵdarlamanyń jańa redaktsııasynda kóp qabatty turǵyn úılerdiń jóndelýi biryńǵaı tetik boıynsha iske asyrylatyn bolady, onda quzyretti mamandandyrylǵan ýákiletti uıymdar (JShS) jóndeý jumystaryn óz betinshe nemese qosalqy merdiger uıymdardy tartýmen júrgizedi. Qosalqy merdiger uıymdardy tańdaý boıynsha konkýrstyq rásimder alynyp tastaldy, osylaısha qosalqy merdiger uıymdardy turǵyndardyń ózderi tańdaıdy.
Ǵımaratty termojańǵyrtý boıynsha jumystar keshenin júrgizý kezinde mindetti sharttary endi jylý tutynýdy retteýdiń avtomattandyrylǵan júıeleri (AJT) jáne jylýdy esepteýdiń úıge ortaq aspaptaryn ornatý bolyp tabylady. AJT ornatý jylý energııasyn ortaq jylý tutynýdan 30%-ǵa deıin únemdeýge, jylý pýnktterindegi óziniń merzimin ótegen, tozǵan jabdyqtardy aýystyrýǵa, turaqty temperatýralyq rejımdi qoldaý esebinen úı-jaılardaǵy qolaılylyqty arttyrýǵa, ystyq sýdyń turaqty temperatýrasyn qoldaý esebinen ystyq sýmen jabdyqtaý qyzmetteriniń sapasyn arttyrýǵa múmkindik beredi. Jylý esepteýdiń úıge ortaq aspaptaryn ornatý turǵyn úıge kirgen jylý mólsherin anyqtaýǵa, tutyný kólemin, jylytý sapasynyń parametrlerin (qysymyn, temperatýrasyn jáne t.b.) baqylap otyrýǵa, turǵyn úıdiń jylýmen jabdyqtaý júıelerindegi kemýin aıqyndaýǵa múmkindik beredi. Qabyldanǵan sharalar energııany tutynýdyń asa tıimdi deńgeıine qol jetkizýge, ony avtomattandyrýǵa jáne únemdeýge baǵyttalǵan.
Sonymen qatar, Baǵdarlamada jylýmen jabdyqtaý sektoryn reformalaý jáne damytý kózdelgen. Baǵdarlamanyń «100 Gkal / saǵatqa deıingi qazandyqtardy paıdalanýdyń sektoryn reformalaý jáne damytýdyń» jańa bólimi qazandyqtardaǵy jabdyqtardy 100 Gkal / saǵatqa deıin qýattylyqpen reformalaý jáne jańǵyrtý máselelerin qozǵaıdy. Qazaqstan Respýblıkasy Óńirlik damý mınıstrligi atalǵan baǵyttaǵy reformalaý jumystaryn jalǵastyrady», delingen habarlamada.
